Ka Nupepa Kuokoa, Volume XLVI, Number 37, 10 September 1909 — HOLOPONO KA PAPAAINA A KA MEIA. [ARTICLE]

HOLOPONO KA PAPAAINA A KA MEIA.

M.i ka papa ahaaina Hawaii i haawiia e ka Mea Hanohano Meia Joseph J. Fem ma ke ahiahi Poalima aku nei ma ka Hokele Seaside ma Waikiki. no ka hanoliano o na hoa Solona o ka Ahaolelo, na malihini koikoi hoi a k«? Teritore o Hawaii e hiipoi nei i keia mau la, na oi aku maluna o ka umi*kumamalua haneri poe i akoakoa ae malaila ia ahiahi. He papa ahaaina; ia i luluu i na kuliinia like ole, a me he mea la, ma kai hoomaopopo aku o kekahi ia o na papa aina nui hewahewa i malamaia ma ke Kulanakauhale a Kalana o sonolultt i lawa pono me na meaai like ole i maa i na Hawaii, a o ka mua loa no paha o na papa ahaaina Hawaii i haawiia no na hoa hanohano o ka Ahaolelo i hoao ai lakou e ai poi me na nianamanalima, eia nae, ua ai lakou e like me ka hiki pono ia lakou ke ai. O kela papa ahaaina a ka Meia ka mua loa o na papa ahaaina nui i haawiia no ka leliulehu no kekahi mau makaliiki lehulehu me ka holopono o na mea apau i lioomakaukuia, no ka mea, o ia mau mahanahana no o na meaai a kuku ana ka mahu iinua o na malihini. Ua hoholaia na pakaukau loloa m«ilalo o na kumulaau mawaena o ka lanai o ka Hokele ame ka aeone he wahi nani maoli no no ka wehe ana i na papa ahaaina o ia ano. Ua kakauia. na knkui iluna o na lala laau me na hae kahakahana like ole © kilapalepa ana, e pakui iho ana i ka nani o na pakaukau he umi-kumamalua ka nui. Ua hooluluia oluna o na pakaukau apau e like me ke ano o ka hana ann i na papa ahaaina Hawaii, na lau ki uliuli me na launahele i kiponaponaia me na pua, na nuieke laau, na umeke lani e kuku ana, na pa puaa, ia lawalu, ka opihi, ke kalo, ka uala ke kulolo koelepalau ame na kohi kelekele e ae a ka puukolu i inaa i ka papa ahaaina Hawaii. O na lede opio Hawaii o ka Hui Oiwi na kuene me na lei ilima e hiolo ana. Ma ka hora 7:30 p. m. ua hoomaka ae la ka lulumi ana o na mea apau no kahi o na papa ahaaina i hoomakaukauia, a i ka noho ana o na mea apau iluna o na noho, ua alakai mai la ka Meia i kana mau malihini a hoonoho ilio la maluna o na noho i hoomakaukauia no lakou. Ua kukuluia ka bana Hawaii malalo o na kumulaau he wahi kaawale i hoomakaukauia no lakou, a oiai na mea apau e hoopiha ana i ka lua o ka inaina me na kuhinia like ole, ke houhene mai la hoi na hokeo a na keiki puhiohe me na leo mele hoohauoli. Mahope iho o ka ai ana ua haawiia he aha hula Hawaii maluna o ka lanai 0 ka Hokele, a ua lilo loa kekahi i mea hoohauoli aku i na malihini, no ka mea, o ka mua loa paha ia a lakoa 1 ike ai i na wahine lewa o Hopoe. Na kekahi kalapu himeni i hoonanea i ke anaina me kekahi mau mele Hawaii a haole me na mea kani, a ua hoomauia na lealea a hala loa aku i na hora kuliu o ke aumoe.