Ka Nupepa Kuokoa, Volume XLVI, Number 37, 10 September 1909 — BECKLEY IMUA O NA SOLONA Hoikeike Oia i ka Makemake o na Kanaka o Hawaii Nei Imua o Lakou. [ARTICLE]

BECKLEY IMUA O NA SOLONA

Hoikeike Oia i ka Makemake o na Kanaka o Hawaii Nei Imua o Lakou.

Iwaena o na kamaaina o keia Teritore i hoike maoii ae i kona manao imua o na kanaka kau kanawai ma ka pe o ka Poaono i hala malalo o Aala Paka, o Fred W. Beckley hookahi wale no' ka mea i ku aku lmua o lakou a waiho aku i na mea a lakou e hana mai ai no ka pono o keia Teritore amo kona mau makaainana. I ka mauawa i pau ai o ka Beckley mahele ana i ka hai'olelo Kauka Barchfeld o Penikelevenia, 'ua huli mai la oia imua o ke anaina a noi mai la aole he manawa maikai e ae no na Hawaii e hoike ai i ko lakou mau iuanao imua o na malihini, o kela wale no, ina he mau manao kekahi o lakou a ia wa i ha'iolelo mai ai oia ma ka olelo haole imua o na Solona Kaukanawai a imua hoi o ke anaina, a penei kana ha'iolelo: "E na keonimana hanohano: He hana paakiki loa ia makou ka hele maōli ana aku i Wakinekona, a ma ia ano, ua konoia aku oukou e hele mai e ike a e lohe mai ia makou aku i ko makou makemake. ''I-ka mea lanakila e kaanaia ai na waiwai pio." "He mea makehewa wale no ia'u ka neepapa ana aku i ka hoike ana no ka moolelo e pili ana ia mea, aka ke

haaheo nei nae au i ka olelo ana ae aole he aina i kaa iaia ke eo maluna 0 Amerika, a i ole hopu paha i ka Hae Hoku, e like la me Hawaii uuku. "Ua hoouna aku oia i kona mau komisina maluna o ka Mokualii Kalaudina malalo o na kauoha i silaia no Kapalakiko, a i ka hoea ana o kela mau komisina i ka aina makua, a i Wakinekona D. C., ua waiho aku la i ka lakou misiona«»imua o ka Peresidena o Amerika ame ka Ahaolelo, ka poe i kuleana ma ka aoao o na kanaka o Amerika. "Hoko o na hakoko hahana ana no na mākahiki elima, ua kaa aku la ka lanakila ma ka aoao o 4merika me ka hookalie oleia o k'ekahi kulu koko, a i keia la ke welo nei ka hae hoku ma ke ano o ko makou hae ia, a ua lilo mai hoi o Amerika i hapa no Hawaii nei, a pela hoi o Hawaii i lilo aku ai no Amerika. <f Mahope mai o ia manawa, o ka lilo ana aku o Hawaii ia Amerikā', aole e hiki ke oleloia ae, o ,ke kumukanawai wale no o Amerika ka i pahola mai ma Hawaii nei, aka ua ukali mai la na kanaka o ka .Ahaolelo Lahui, a i keia po ke hauoli nei no. ka halawai pu ana me oukou ma ke ano he mau makaainana Amerika. '/Mamuli o ke ahoaui ipai o ka lunahoomalu o keia halawai, ke nonoi aku nei au ia oukou e maliu mai i wahi manawa uuku no 'u e kamailio ai. "Ma ke ano he kupa a he makaainana a he keiki hanau !no ka lepo o Hawaii, a i loaa hoi ka ike no ka iini ame ka makeinake o kiiu lahui, ke poloai aku nei au i ka oukou mau kokua ana i wahi e loaa mai ai ia makou he haawina mahuahua no ko makou Hale Hoao maanei nei. No ka mea ke manaoio nei makou, ua hooku•nuia no ka holomua maluna o ka hooponopono ame ka lawelaweia ana o na oihana mikiala ame ka hookuonoono home ana. "Eia ke ku nei ko kakou oihana ano nui, oia ka oihana kanu ,ko me kona hale hoao ponoi nona iho, aka ua pili wale no nae ia i ka oihana hookahi. E nana aku nae kakou imua ma ka hale hoao o Amerika no ke alahele e loaa mai ai ka ike ame ka makaukau no ka mahi ana mai i na oihana liilii mai e kupu ae nei me ka hikiwawe iloko o kakou. "Ke nonoi pu aku nei makou i ka oukou mau kokua ana i wahi e pahola loa mai ai ke ano hoomaemae a hoomomona aina ma Hawaii nei, a ma ia ano e hiki ai ke hoomomonaia na aina waiho wale, i hiki ai i ka mea uuku o kahi loaa ke kuai aku a loaa he home nona. "O kekahi noi a'u e makemake nei i ka oukou mau lima kokua, o ia no ka hoololi ana mai i ke Kanawaikumu, i hiki ai i ka mana hooponopono aupuni kuloko ke hana mai he mau hoololiloli 1 ko makou mau kanawai aina e like me ke kulana ame ka holomua o ka manawa, me ka noke mau ole-i ka hoopii i Wakinekona, a ma kekahi alahele okoa -ne paha e loaa ai ka hoololiia o ke ' kanawai aina i wahi e loaa ai ka aina i ke leanaka ilihune.'? Ua kakooia mai keia manao hoakaka o *Mr. Beekley e kekahi o ka poe i kamailio mai mahope ona. Ua hoao ka lunahoomalu e kaomi mai ia Becklejr mai ke kamailio ana, aka eiai nae he manao hoakaka maikai loa kona, nolaila ua hookuu ia a hiki i ka pau ana o kana ha'iolelo pokole, me ka hoike ana mai no hoi o ka lunahoomalu ua laula no k.e kahua ha'iolelo ī na kamaaina e kamailio ai ma ke ano laula. Ua nokeia ka ha'iolelo a Mr. Beckley i ka pa'ipa'i aole e na kamaaina yale no, aka pau pu no me na Solona kaukanawai.