Ka Nupepa Kuokoa, Volume XLVI, Number 37, 10 September 1909 — Nuhou Kuloko [ARTICLE]

Nuhou Kuloko

Ma keia Poaono iho e ulele ai na keiki o Maui me ko Leilehua ma ka paani polo. E alawa ae i ka hoolaha a J. M. Monsarrat (Manakea) e oili aku nei ma kekahi wahi o keia pepa. Hele ka halawai ma Aala Paka ma ka po o ka Poaono a piha i ka poe makaikai i ka ha'iolelo a na Solona Kaukanawai o Amerika^ Akoia la kapalulu mai ke aumoku kaua o ka Pakipika no Honolulu nei, a he mau la laukanaka aku keia o ke taona nei i na kanaka o ke kai. O ke koena iho o na meaai o kela papa ahaaina nui a ka i haawi ai ma Waikiki ua haawiia na na paahao, i hookahi ka ai pu ana i ka iokomaikai o ka Mea. Ua hala aku o Kiaaina Trear ame Meia Fern ma ka huakai makaikai a na Solona Kaukanawai o Amerika no Hawaii ame Maui ma ka Mauna Kea o ka Poalua nei. Hoi hou kahi mokupuni o Lanai i«i \Y. G. Irwin mahope o ko Mr. Gay hooikaika ana e holopono- kana hana i manao ai maluna o ia mokupuni a holopono ole nae. Aole he paani kinipopo mawaho o Kamoiliili ma. ka auwina la o ka la apopo, no ka ifianaoia ma ka nana kukini maloko o ka pa kinipopo hou kahi e hoohala ai o ka lehulehu ma ia la. Mai poina e na Hawaii i ke kono a ka Elele Kalanianaole no ka hele ana ae e ike i na kanaka kaukanawai o Amerika ma kona home ma Waikiki ma ke ahiahi 9 keia Ppaha ae, Sepatemal>a 16. JSui na kula i nele i na kumu ma keia komo hou ana o na kula aupuni i keia makahiki, a e kohoia aku ana kekahi poe i mau kumukula me ka hoololiloli puia ana hoi o kahi a kekahi poe kumu e a'o aku ai. Pumehana ka hookipaia ana o na malihini o ka Ahaolelo Nui ma ka mokupuni o Kauai, mahamaha kolaila mau kupa, ohohia na kamaaina, a maikai na pulana ana me na papaaina lehulehu i panaiia mai. Maikai ka hana a ka mahiko o Olaa e hana mai nei i kona mau limahana ma ka haawi ana i hookahi eka aina ame hapaha i ka mea hookahi a haawi aku i palapala kuai no ia eka aina i wahi e noho paa ai na limahana. - i-