Ka Nupepa Kuokoa, Volume XLVI, Number 38, 17 September 1909 — KE KOI NEI O AKONI KAOO I NA DALA MAKANA. [ARTICLE]

KE KOI NEI O AKONI KAOO I NA DALA MAKANA.

Oiai ke ku nei o Akoni Kaoo, ka "Lio Heihei o Waialua," a o ka mea hoi a na lunakanawai i haawi aku ai no ke kaa ana o ke eo'o ia heihei kukini ma ka Poaono i hala, ma ka aoao o ka moho lanakila, a pela hoi me na lunakanawai e kakoo mai ne'i i ka pololei o ka lakou olelo hooholo o ka haawi ana no kona pono, eia nae ka poe i kuleana i ka haawi ana i ka makana ke kunana nei me ka maopopo ole o ka lakou mea e liana aku ai. Ua oleloia ae, he nui ka hoomalimali o ka poe i kuleana i ka paka ia Kaoo, me ka uwalo ana aku imua ona e maliu mai ia lakou, ma o ka mahele hapalua ana i na dala makana mawaena ona ame ke Kepani i kaa ai ma ka helu elua, aka eia no o Kaoo ke ku nei ma ka aoao e koi aku.no ka haawi kaokoa loaia ana mai o ka hookahi haneri dala makana. He nui ka poe e kokua nei i*ko Ka--00 aoao, a walii a Geo. Lowe. ka mea ma ka aoao o Kaoo, ina no ka hoopololeiia o ka nui o na mile i holoia e Kaoo, ua hiki aku ia ma kahi o ka umi-kumamakahi a oi, aole e like me ka kekahi poe e olelo ana, aole i piha ia Kaoo na mile he umi, mamuli o kona hina ana. I ka nana aku he hookahi kumu nui e manaoia aku nei, no ka makemake ana o ka poe no lakōu ka paka e hoopau wale i kela heihei o ka Poaono 1 hala a e hoomaka ka heihei hou ana 0 na moho i komo ma kela heihei, mamuli no ia o ko lakou manao ana, he hana hoopakalaki, ka ae ole ana aku i ke koi a-pa Kepani no ka heihei hou o na moho, oiai e haalele ana na Kepani 1 ko lakou malama ana he mau lealea maloko o kela paka. A hiki mai i nehinei, aole i loheia ae ka holopono ana o ke koi a Kaoo no kela mau dala makana, aka he hookahi mea maopopo loa, ua hoike ae oia i kona manao paa, aole e haawipio aku no ka heihei hou ana, me ka loaa mua ole mai o kela mau dala makana iaia.