Ka Nupepa Kuokoa, Volume XLVI, Number 38, 17 September 1909 — HE HOALOHALOHA NO DAVID MAUNA KAMALE. [ARTICLE]

HE HOALOHALOHA NO DAVID MAUNA KAMALE.

"Ma leo lesu mau lima, Ma Kona poli 110 Malaila au e malu A maha maikai pu." I Ia Mrs. Harriet K. Kamale, ka wahine i hoonele ia i ka hoapili he kane, a i na makua hoi i hoonele ia i ke keiki, Luuluu wale hoi e! Me na naau mokumokuahua, me na waimaka luuluu, ame na puuwai i hoehaehaia; pela inakou apau e komo pu aku nei e auamo me oe e ka wahine i hoonele ia i kau mea aloha he kane; kou hoapili hoi o na la o ko olua noho opiopio ana; a i na makua hoi i hoonele puia mai i ke keiki. Oiai me ka manao mua ole ia e kiIkoo awiwi mai ana la na lima menemene ole o ka make, aia hoi ma ka la 31 o Augate, 1909 ma Kahaluu-uka, Kona Akau, Hawaii ua oluolu i ke Akua Mana loa ke kikoo ana mai a lawe aku la i ka hanu ola, ka uhane o David Mauna Kamale no kela aoao mau o ka honua, a o ke alahele mau hoi a na niea apau e hahai aku ai. Hala aku la oia ; waiho iho la i ka ukana luuluu nau e ka wahine e auamo a e paiauma aku hoi nona, ame ka olua wahi kamaiki i hoomaopopo 'ole ae ua haalele mai kona, papa aloha iaia, a o ka lei momi mua hoi i hoohua mai i ko olua mau la opiopio, a ia oukou hoi na makua, a pela pu lioi me makou kona mau hoaloha; a i oi loa aku hoi ko makou hoa paahana pu iloko o na hana hooikaika Kristiano 0 ko makou Ahahui Hooikaika Kristiano o Helani, a he lala a he koo ikaika no ia Ahahui; a ko iho la ka ka Buk!e Nui i olelo mai ai: "E hoi ka lepo i ka lepo, a o ka Uhane hoi i ka Mea Nana 1 haawi mai. ,> Nolaila, E hooholoia, O makou v apau na Lunanui ame na lala 0 ka Ahahui Hooikaika Kristiano o Helani ma o ko makou Komite la ke komo pu aku nei me oe e ka wahine kanemake na makua ame ke kamaiki i ka papa, e auamo, a e u pu me oukou no ka kakou mea aloha i hala a i nalo I hoi no ka wa pau ole a hiki i ka wa a! ka Anela Mana e hoala hou mai ai i na mea apaū. Walohia a luuluu wale hoi el E hooholoia, O ka makou ieo pule i ke Akua Mana Loa e hoomama mai i ko kakou mau luuluu, a e lawe aku i na ehaeha apau mai a kakou aku e like me Kana e kahea mau nei. "E hele mai oukou apau loa i O'u nei e lea poe hihi ame ka poe kaumaha, N&'u oukou e hoomaha aku." 0 makou iho no me ke aīoha Kristiano oiaio kona mau hoa paahana a hpa uhaiaholo pu i na hana a ko kakou Haku lesu Kristo. Komite—Henry L. Kawewehi, Jamea S. K. Leleiwi, Bfll Kaoni, Geo. K. Kipapa, Mrs. Henry L. Kawewehi, Julia N. Kawewehi, Mre. 'j. S. K. Leleiwi, Mrs. Samuel Mia. Kahaluu, Kona Akau, Hawaii, Sepatemaba 5, 1909.