Ka Nupepa Kuokoa, Volume XLVI, Number 38, 17 September 1909 — NA HOOKUKU KINIPOPO O KE SABATI I HALA. [ARTICLE]

NA HOOKUKU KINIPOPO O KE SABATI I HALA.

Iwaena o na hui kinipopo eha e ulele nei maloko o ka paka kinipopo hou, eia ke alakai nei ka hui J. A. O. maluna o na hui apau, a o ko na koa hoi ma ka hi'u loa, oiai iloko o na paani ana ewalu a ia hui he hookahi no kaa ana o ke eo ia lakou. Mamuli o ka heihei kukini i inalamaia maloko o kela i*aka ma ka Poaono i hala, ua hoopaneeia ka paani ana o na hui nui mawaho o Kamoiliili, nolaila o ke kinipopo ma ia auwina la, o ia no ka hookuku mawaena o na hui o na Kepani me ko na Pake he paani nae i ku i ka hoowahawaha ia no ka maikai ole o ka lakou paani ana. 0 ka paani i uleleia mawaena o ija hui o Kalihi ame ke C. A. C. ua kaa ka lanakila i ka hui C. A. C., a no ka elua hui o na. paani ana i hoi nele ai ko Kalihi me kahi aipuni ole, oiai nae o ka hui ia i kauia o ka weli ma ka hoomaka ana mai o keia kikina kinipopo maloko o kela paka. No ka lua o ka hookuku ma kela la, ua kaa ke eo i ka hui J. A. C. a l<au!e na koa Marina, he eono i ka elima na aipuni pakahi a ua mau hui la. He hookahi hookuku ana i koe ma waena o na hui o Kalihi ame na koa Marina, o ia kela hookuku i hoomoe ia ai no ke akaka ole o ka hui nana ke eo ma. kekahi hookuku mua ana a laua, a ina e kaa ana ke eo i ka hui 0 "Kalihi, alaila e pa'ipa'i ana laua me ka hui J. A. C., o ia hoi he mea 1 ike mua oleia ma Hawaii nei, mai ka hoomaka ana e paani a hiki wale i ka haulehia ana o na keiki o Kalihi,' aole he hookahi o lakou i loaa ka pahu I ekahi. He iwakalua-kumamahiku o lakou manawa i hele ai e hahali popo, he iwa-kalua-kumamahiku o lakou manawa i hoi nele ai, aole hoi no ka pa ole o ke kinipopo, aka ma na wahi apau o ka lakou popo e lele aku ai, e noho mau mai ana na keiki o ke C. A. C. me ka makaukau, e hoea mua ae ai ke kinipopo i ka pahu ekahi mamua o ka hoea ana aku o kekahi o lakou ilaila. Ma kela la aole ka poe Kepani mākaikai e like hoi me ke ano mau ma na Sabati e ae, i hoea ae no ka nana ana i na hookuku kinipopo, no ko la- ] kou manao aole i poloJ(ti ka haawiia ana o k"e eo o ka heihei kukini ia Kaoo ma ka Poaono aku } a pela i kauohaia ai na Kepani apau aole e hele maloko o kela paka e nana ai i na hookuku kinipopo. He mau hookuku kinipopo mai no ko Aala paka ma ia la, a o jcahi piha ia i ka poe makaikai, mamuli o ka pau o na Kepani ilaila i ka nana i kolaila lealea ma ia la.