Ka Nupepa Kuokoa, Volume XLVI, Number 38, 17 September 1909 — PIIPIIKAI KEKAHI MAU LUNA AUPUNI O MAUI. [ARTICLE]

PIIPIIKAI KEKAHI MAU LUNA AUPUNI O MAUI.

E hoike ana ka nupepa o Maui i ka o.oloku ana o ke kai mawaena o ka Makai Nui o ke Kalana ame ka Hope Loio Kalana me ke kuhi aku a kuhi mai aole e hopu i kekahi mea i ioaa «k.u ka waiona malalo o kona malu. Ma ka halawai ka a ka Papa Lunakiai o.ka noho ana i kela pule aku nei ua lawe ae ka Makai Nui he hoohalaliala no ka hana a ka Hope Loio Kalana, ō ia ka ae ole ana e lawelawe ī ka hihia a ke upuni e ku-e ana i kekahi kanaka i hopuia e ka Makai Nui. Ua olelo ae ka Makai Nui ua hopuia eia kela kanaka, aka ua hoole hoi ka Hope Loio Kalana aole oia i hopuia, a o ke kumu ia o kona makemake ole e lawelawe i kona hihia. Malalo o ka mana o ka palapala huli i hele aku ai ka Makai Nui e liooko no ka huli ana i ka waiona ma kahi i kauohaia maloko o ka palapala huli, a ma ia huliia ana i loaa -io aku ai ka waiona, a o ia nae- ka ka Hope Loio i olelo ae ai, aole ona kuleana e lawelawe ai i ka hihia o ka mea i kuleana i ka waiona, oiai aole he palapala hopu i hoopukaia nona. Ua kulike ole ka manao o kela mau luna aupuni, o ka ka Makai Nui e koi ana, aia ke kuleana hopu i haawiia iaia mahope iho o ka loaa ana aku o ka waiona malalo o ka malu o kekahi mea, e like me ka manao 'o ke kanawai waiona, aka he okoa loa nae ka manao o ka Hope Loio Kalana, a o ia iho la ke ano o ka ulu ana mai o na manao okaikai iloko o ia mau luna aupuni o ke Kalana o Maui.