Ka Nupepa Kuokoa, Volume XLVI, Number 38, 17 September 1909 — Nuhou Kuloko [ARTICLE]

Nuhou Kuloko

E hoomaha ana ka bana Hawaii he hookahi mahina iloko o ka malama ae nei o Okatoba. Ma ka Mongolia o keia la e haalele iho ai na Solona Kaukanawai ia Hawaii nei no Amerika. Nui ka poe e hoohalahala nei i ka hana. kolohe o na Pake i ka poi e kuaiia mai nei i na kanaka. Ma ke ahiahi Poalua aku nei i weheia ai ka hale hooikaika kino hqu o Palama no ka hoelaa ana. He la kulaia aupuni ka la apopo, o ia ka la heihei waapa (Regatta Day) e paniia ana na hale oihana aupuni ma ia la. E hoomanao, he la heihei waapa ka la apepo, a e ikeia ana kekahi mau waliine Hawaii ikaika i ka hoe waa ma ia lal Ua aponoia e ka Papa Lunakiai ka papa ukuhana no ka hapa mua o keia mahina ma-ka lakou halawai o ke kakahiaka Poalua nei. E holo aku ana ke aumokukaua no ke kaikuono o Maalaea ma ka Poakahi no ka hookahakaha paikau ame ka hoomaamaa kileipu ana. Ua aa ae nei o Tsukamoto, ke Kepani heihei kukini o Hilo no ka heihei kukini*ana me Jackson no na mile he iwakalua-kumamaono a oi. Aia ma kahi o ka elima haneri a oi poe wawahi olohani e hele mau nei i ka hana o na Mahiko mai Honolulu aku nei i keia ame keia la. Laukanaka keia mau la i na kanaka 0 ke aumokukaua, a maloko o ka paka kinipopo hou ko lakou wahi i noke ai 1 na hana lealea iloko o ia mau la. Oehuehu ka hana a ka Makai Kauwai S. W. Logan ma na Koolau ma ka hopuia ana he eha mau Kepani piliwaiwai a he eono poe ma Laiemaloo. O Charley Clark ka Lunanana o ke alanui o Kaluanui i hookohuia e ka Papa Lupnakiai, mamuli o ka hooia ana ae a ka Enekinia Gere i kona kupono. Nui ka poe i hele ae ma ka aha ike i haawiia e ka Elele Kalanianaole ame ke Kamaliiwahine Kalanianaole no ka hanoifano o na malihini o ka Ahaolelo. Lahui ma ka po nei ma Waikiki. O ka aina mahi laiki i ikeia ma Palama no na makahiki lehulehu i hala, nona ka nui he kanaiwa eka i keia wa ua pau i ka hoomalooia a ke kanuia mai nei e na Pake hoolimalima o ua aina la i ke ko. Ua hoihoiia aku i ka Elele Kalanianaole ke eke paalima i haule ai me na mea hoonani gula i haule ai mai ke kaa aku o kana wahine e John T. Silva ma ka auwina la o ka Poaono nei, me na ukana apau oloko. Mamuli o ka haawi ana o na lunakanawai i ke eo o ka heihei kukini o ka Poaono i hala, ua nuha na Kepani o keia kulanakauhale aole i hele ae 'e nana i na hookuku kinipopo ma ka paka kinipopo hou ma ka la Sabati ae. He ahamele me ke tabalo ke haawi ia ana ma ka rumi malalo o Kawaiahao ma ke ahiahi Poalima, Sepatemaba 24, ma ka 7:30 no ka uku ana i na lilo o ka hana ame ka hoomaemae hou ana ika okana o ka halepule. E loaa' no ka uku komo he 25 keneka ma ka lima o na komite, a i ole ma ka puka komo. »