Ka Nupepa Kuokoa, Volume XLVI, Number 38, 17 September 1909 — HELE MAKAIKAI SOLONA ILOKO O NA KULA LIKE OLE. [ARTICLE]

HELE MAKAIKAI SOLONA ILOKO O NA KULA LIKE OLE.

Ma ka Poakolu nei, i hoohala ae ai ' na kanaka kaukanawai o Amerika me | ko lakou mau ohana ma ka hele makaikai ana maloko o na kula o keia leulanakauhale, a e like no me ka ka «poe mua i ike ai, a i haawi ai i ko lakou mahalo no ke ano o na kula ma Hawaii nei, pela no keia poe i haawi ae ai i na hoomaikai kiekie ana no ka lokahi maoli o na lahui like ole apau maīalo o ka hae Amerika. I ko lakou mau kaa otomobile o ka haalele ana iho ma ka Hokele lana ma ka hapalua o ka hora eiwa o ke kakahiaka, ua hele mua aku la lakon no ka makaikai ana i ke Kula o Sana Lui, a malaila i haawi ai kekahi o na Solona i ha'iolelo pokole imua o na keiki, a ma ka aoao hoi o ke kula, ua mai ka bana puhiohe he mau mele hoohauoli i na malihini. Mai Sana Lui aku, ua holo aku lakou no na Kula Kamehameha ame Kalihiwaena, a huli ho'i mai no na kula o Kaīulani ame ke kula hoopololei o na kaikamahine ma Keoneula. ]Ma na kula apau a na malihini o ka makaikai ana, ua haawi wale ia no he mau ha'iolelo, a o ka hope loa no hoi ona kula a lakou ke kipa makaikai ana ae, oia no N ke kula a'o kumu, a īlaila i paholaia mai ai he mau 'meaai imua o lakou, a huli hof no ka hokele no ka hooluolu ana no ia la.