Ka Nupepa Kuokoa, Volume XLVI, Number 38, 17 September 1909 — HOOHOKAIA MA KA HOKELE O HILO Ku i ka Hoaa ia Poe Haole o Honolulu Nei i Kahi e Moe Ai. [ARTICLE]

HOOHOKAIA MA KA HOKELE O HILO

Ku i ka Hoaa ia Poe Haole o Honolulu Nei i Kahi e Moe Ai.

I kulike ai me na lono i lioounaia mai i keia kulanakauhale e ka poe o ka hele pu ana aku nei ma ka huakai makaikai a na malihini o ke Teritore no Hawaii, ua hoohokaia mai ka kekahi poe o ka hoea ana aku i ka hokele i ka po, a oiai o kekahi o na lunamakaainana ka i ala mai a i hooikaika pu i ke koi ana i ka ona o ka hokele e hookipa aku i kela.poe pilikia a ae oleia mai, ua haalele, pu oia i kona noho ana malōko o ka hokele i kela po, a auwana like aku me kela poe a hiki i ka hōaumoe okoa ana aku ma kekahi wahi okoa. Oiai loohia kekahi o na kaa otomobiie o ka poe i hele mauka o ka aina i ka pilikia ma ke nolaila aole e hiki ia lakou ke hoea. like aku me ko laVōu poe no ka hokele o Hilo i ka wa pono e loaa ai na hookipa ana a ka poe o ka hokele. Ua keleponaia aku nae i Hilo no ko lakou hoea aku i kekahi- manawa o kela po, a ma ia ano, ua hele aku o Mr. Buckland e hoopohopono me ka mea liokele e hookaawale i mau rumi no kela poe e hoea aku ai, me ka hstawi pu ana i mau meaai na lakou, a no ka haawiia ana aku o ka ae e ka mea e noho lunanui ana no ka hokele, ua pau ae la ko Mr. Buckland noonoo ana a hoi aku la oia e hooluolu no ia po. Mahope iho o ka tora umi-kumama-lua o kela po, ua hoea aku la o Frank Woods, Ed. Lord ame Frank Thompson a no ko lakou hele a pololi loa, ua awiwi aku la lakou no ka hokele. Ua noke aku lakou i ke kahea me ke kikeke ana i ka puka no kekahi manawa a e ole no ka hemo ana o ka piika, pau ai ko lakou hoomano ana i ke kahea no ka hookipa ana aku ia lakou iloko o ka hokele. I ke ala ana mai o ka ona o ka hokele a ike i keiu poe komohewa, ua hoomaka koke oia e kelepona i ka

Hope Makai Nui Fetter no ke kii aua mai e hopu i keia poe o lea po. lloko nae o kela mauawa i ala mai ai o Mr. BarchJ'eld mai koiia hiamoe mai a hele mai la e hoomalimali me~ka manao e hookipaia aku keia poe pilikia, eia nae aole ka he wahi mea a maliuia aku o ia leo uwalo, a o ke kii 110 ia o kela haole malihini i kona mau ukana a haalele aku la i ka hokele no ka hele ana e huli like me keia poe hadle i wahi no lakou e hoaumoe ai ma kela po. Maloko o ka hale o kekahi mau opio i komo aku ai lakou e noi i mau meaai na lakou, a i ka'maopopo ana o ko lakou mau pilikia, ua hoomakaukau kokeia he mau meaai na lakou a he keu ka hele ino o ua poe la, oiai ua hele a pololi, a no ka loaa ole o kalii kupono e moe ai maloko o kela hale, ua huli hou aku lakou i wahi e moe ai ma kela po, a e ole ka he kalaiwa kaa nana i lawe aku ia lakou a hoaumoe ma kekahi hale i hamama na ipuka no ka hookipa ana aku i na malihini kaahele o ke aumoe. Mamuli o ka hana a kela kanaka hookahi o ka hokele, ua lilo ia i mea kamailio nuiia' e ko Hilo poe, a ina paha no ka holopono o ka manao o kela haole, ina ua hopuia kekahi o na malihini a ke Teritore ma Hilo, a loaā ka mea nana e hookaulana aku ia Hawaii nei, no i'a hana i hookauia aku maluna o kela kanaka koikoi o Amerika.