Ka Nupepa Kuokoa, Volume XLVI, Number 38, 17 September 1909 — NOI NA WAHINE HAWAII E KOHO BALOKA [ARTICLE]

NOI NA WAHINE HAWAII E KOHO BALOKA

Ma ka po o ka Poalua nei i malamaia ae ai he halawai makaainana ma Aala Paka e kekahi mau makaainana o keia kulanakauhale, a imua o ke anaina i akoakoa ae ma ia po i heluheluia mai ai he mau palapala hoopii e noi ana i ka Ahaolelo Lahui e haawiia mai ka pono koho; baloka i na wahine ma Ha«vaii nei. Ua noho hoomaluia kela halawai e Meia Fern, a imua ona i waihoia aku ai ua mau palapala lioopii la mahope iho o ka heluheluia ana mai imua o ke anaina aine ke aponola ana aku, he mau mea pololeiia e hanaia mai e na kanaka kaukanawai o Amerika 'Huipuia. Mawaho ae o ka pono koho baloka o na wahine i makemakeia e loaa mai i ko Hawaii nei poe wahine, ua makemake puia ka hookomo ana mai i nn limahana iloko nei o ka aina me ka lakou mau wahine pu, i ole ai e nui na limahana kane wahine ole iloko nei o ka aina. Ua hoomakaukauia keia mau palapala no ka waiho ana aku imua o na Solona Kaukanawai o Amenka Huipuia mamua o ko lakou haalele anfl iho ia Hawaii nei ma ka Mokuahi 0 keia la. O keia malalo iho *nei ua palapala lioopii la: 1 NĀ HOA HANOHANO O KA AHAOLELO LAHUI I HOEA UAI NEI I HAWAII NEI. Me ka Mahalo: O makou o ka poe no lakou na inoa malalo yio nei, he poe maoli a he poe makaainana hoi no ke T6ritore o Hawaii a no ke Aupuni no hoi o Amerika Huipuia. ke noi haahaa aku nei makou ia

oukou, e waiho aku i keia palapala hoopii imua o ka Ahaolelo Nui o A* merika Huipuia, e akoakoa hou mai ana ma ka malama ae nei o Dekemaba, no ka noonooia ana o ka makor mau noi mahope ae nei penei: Ākahi. E hoololiia ka Pauku 6S ke Kanawai Kumu i loaa ai ia ma«#c ka popo koho baloka akea, e like ka loaa ana o ia pono i na wahino Am%riks oloko o na Mokuaina o "VVyom ing, Colorado, Idaho am& Utah. Alua. Ke ku-e'loa nei makou i ka hooholO ana o ka Ahaolelo Lahui i ke Kanawai Helu (H. R.) 15226, i hookomoia ai e ka Elele Kalanianaole ma ka la 19 o Aperil£, 1904 ma ke kan Helu 2 o ka Ahaolelo Lahui Helu 58, e pili ana'i ka hooki loa ana i ka hoohanaia ana o ka- Olelo Hawaii maloko 0 na hana Ahaolelo oloko nei o ke Teritore, i ka pau ana c na makahiki he umi, mahope o ka hooholoia ana o ia kanawaf. Akolu. Ke noi nei makou e ae ka Ahaolelo Lahui i ke koi a ko makou Moiwahine mua Liliuokalani, no kona mau kuleana maloko o na aina Leialii 1 lilo i mau aina no ka lehulehu i keia wa, mamuli ke kahua kaūlike oka pono maoli' ame ke kanawai. Aha. E haawiia mai i haawina dala mahuahua no ke kokua ana i ka imi ame ka noii ana i ke kuleana nana, a i ole, i ka laau lapaau paha, e ola ai ka ma'i lepera ma na wahi o ke Teritore nei i hookaawaleia ai lakou. Alima. E-hoo'kiia ka hoopae ann mai i na kane wale no 'mai ko na aina e mai, ma ke ano limahana iloko o Hawaii nei, no ke kumu, he mea ia ©

hooi loa aku ai i ka heluna o na leane mamua o ka heluna o na wahine iloko 'nei o ka aina. Eia na koa Amerika he mau haneri ka nui nei o ka aina, aole a lakou mau wahine; a e hooi loaia akii ana n 0 keia heluna ma keia mua aku, mamuli o ka hoopae nuiia ana mai o na kane wale no i poe limahana, a ma ia ano, ma o ka hoohemahema ana o ke aupuni Makua i keia kuiana hoolaupa'i kanaka o ke seka kane wale no, e hoopoino nuiia ai ka lahui oiwi o ka aina, a o ka hopena, o ia ka anai holookoaia ana o ka lahui Hawaii. A ke pule mau aku nei ko oukou poe ,noi.