Ka Nupepa Kuokoa, Volume XLVI, Number 39, 24 September 1909 — KA HALAWAI A KA PAPA LUNAKIAI Hoopaneeia Kekahi Mau Hana Ano Nui a ka Papa a Keia Manawa Halawai ae. [ARTICLE]

KA HALAWAI A KA PAPA LUNAKIAI

Hoopaneeia Kekahi Mau Hana Ano Nui a ka Papa a Keia Manawa Halawai ae.

0 ke kanawai e papa loa ana i "ka ulaa wale ana o na Hui hana uwila i na alanui me ka loaa ole aKU o ke apono mai ka Papa Lunakiai aku, ua hoopaneeia a keia halawai ae. Ua hapai ia ae no ia kumahana, aka ma o ka hoakaka a kekahi o na hoa a i aponoia ia manao ua hoopaneeia a keia halawai ae. 0 ke kumu nui no i loaa ai i manawa i na loio o ka hui kelepona ke kukakuka me ka Loio Kalana, a oiai o ka hope o kela kukakuka ana oia no ka hoololi ia ae o kekahi mau pauku o ke kanawai, nolaila ua ikeia he mea pono ke hoopaneeia a kahi halawai aku. O ke kanawai e pili ana i ka waiu ame na hale hana waiu kekahi i hoopanee puia mamuli o ke noi a M<*? Olellan, oiai i Amerika aku nei oia a 0 ka hoi koke ana mai nei no ia, raa ia kumu ua loaa ole iaia he manawa e alawa iho _ai a hoomaopopo ia kanawai. Wahi ana e heluhelu akahele loa ana oia i kela ame keia pauku kanawai i makaukau oia mamua o ke koho ana. Ma ka hoike a ka Lunanana o na paipu ua holopono kona keena ma na mea apau a hookahi ona hemahema i koe o ia ka mikini kakau. Ua hele oia ma na halekuai like ole e nana ai a ua loaa kana mea i iini ai a laweia aku 1 kona keena. Ua ike kekahi o na limahana o ke keena o ka Loio Kalana i ua mikini la a hoolaau ia mikini na lakou a o ka lakou mikini kakau kahiko o ia ka i haawiia aku no konA keena mamuli nae kela o na kukakuka

maikai ana. No ke ano lolohi ka oke kakau ana me ka mikini kahiko o ia ke kumu o ka makemakeia o ka mikini hou no ka holo o ke kakau ana. Ma ka hoike a ke komite i waiho ae ai imua o ka halawai o ka po Poalua nei, he nui ka ka hauoli o ke kakauolelo pokole a ka Loio Kalana i ua mikini hou la. He hoike ka i waiho puia ae e apono ana i ke noi a ka Makai Nui no 150 pihi makai ano hou, aole e oi aku ka lilo mamua o $2.00 o ke pihi hookahi. Ua apono ka Papa i na lilo no ia mau pihi a kauohaia ka Puuku e uku aku i na lilo. E hoolako puia ana na Lunanana apau o ke Kulanakauhale ame Kalana o Oahu me na pihi hulali hinuhinu ano hou. Ua hoike ae ke komite mamuli o ke noi a ka Papa e hoopauia ka Makai Medeiros mai ka Oihana Makai aku i ka pau ana o ka mahina. He noi ka i waihoia ae e Chang Sam, ka ona nona ka halekuai ma ke alanui Moi e huli ae la i ke alanui Liliha, e hookaawaleia na kaalio e kuku nei mamua iho o kona halekuai, mamuli o ka lilo o ia mau kaa i mea hoopilikia iaia ame kana hana. O Quinn ka i hoakaka ae ua hoomakaukauia he kanawai hou e pili ana i kahi hoolulu o na kaapio a i ka wa e holopono ai ia kanawai ia wa e hoomaopopoia aku ai kana noi. Na ka Lunanui o na hana o ka lehulehu i hoike ae i ka Papa ua haawi aku oia i ka ae i ka hui hana aila ea e hooloihi aku i ka paipu nui ma ke alanui Wyllie a hiki i ke kiekiena o Alewa. Na ka Luna Alanui Wilson i hoike ae i ka Papa i ka l,oaa ana aku o ka leka a ka akena ma Honolulu nei o ka Standard Oil Co., iaia a maloko o ia leka e hoakaka ana ua kuhihewa lakou (ka Hui) ma ka lakou koho no ka hoolako ana i ka aila no na alanui. Ma ka hoakaka a Wilson ua haawi mai ka hui i ka lakou koho ma ka la 38 o lune, he $1.78 no ka barela o Ta ke kumukuai a hiki ka aila i ka uwapo ma Honolulu nei, aka ma ka waihoia ana aku nae o ke kauoha i Amerika ua ike ka hui nana ka aila i ko lakou kuhihewa, he $1.25 ke kumuku'āi o ka barela a hiki i Point Sichmond a mailaila mai a hiki ia ! nel e pii hou ae ana aka $2.04 no ka barela. I ka wa i noi mai ai ke kauka Kalana Maekall no kekahi bila o $60.00 no ka hoolako ana i kekahi mau hemahema o kahi waiho hale kupapau, ua ku-e koke' o Quinn. Ma kana hoakaka ■'i ka wa iihoololiia mai ai ka hale wai;ho kupapau mai ke Teritore mai a i ke Kalana o kana i hoomaopopo ai na ka hale hoahu laau o ke Teritore e hoolako mai ia hale me na laau lapaau o na ano. like ole. 0 Lunakiai McOlellan ka i hoakaka mai e pono e nana akaheleia kela mea e kekahi komite me ka mana piha e hana aku ai ia hana. Ua ku-e hou o Quinn ia manao me ka olelo ana ae he keu kela a ke Kauka hoomahuahua ina hoolilo. He mau noi mua no kana i waiho mai e hoomahuahua ana i na hoolilo no na lilo liilii o kona keena a ke noi hou mai nei no. Eia nae, iloko o ia ku-e ona ua hooholoia e ka hapanui o ka papa e hoolakoia ka hale waiho kupapau me na laleo kupono apau. Ma ka hoike a ka Makai Nui Kalana, o ka nui o ka poe i liopuia he 463, a he 365 o ia huina i hoopa'iia iloko o Augate, a o ka nui o na dala i ohiia mai no na hoopa'i, na koina ame na bela i lilo wale he $3885.45. Ma ka hoike a ka Lunanana Miehl-s-tein mahope o kona aeia ana aku e leuai i 11 o holoholo nona, ua kii oia i kekahi lio no ka hoao ana, a ua loaa niai ia Ben Gallagher maij o ka apikl 0 kela lio he hoopipili, e ake no e hoi 1 kona wahi. Ua hele o E. J. Gay ka ona o ka lio, a i kona hoi ana mai ua hoike aku oia i ka puu nui o ka lio aohe nae he nānaia mai o kana hoohalg,hala. I keia manawa ke koi mai nei ka ona o ua lio la e uku aku i ka uku hoolimalima he $24. Waihoia ka noonoo ana i ke komite. Ma ka olelo a ka Loio Kalana aohe pili o ia hana i ke Kalana. Ua hoihoi hou o Mary E. Clark i ka aina ana i haawi mai ai i ke Kalana ma ke alanui mauka o Manoa no ka hoakea ana i ke alanui, mamuli o ke kumu aohe hiki e loaa mar» kahi i makemakeia no ke kuapo. Lehulehu na noi mai na kumu poo mai, i mau lako | noloko o na halekula ame na mea hana j no ke a'o ana i na opio hou. Ua noi ae ke komite Alanui i $12,500 no na hoolilo o ka hana ana i ke alanui o Kaluanui, ma Koolau. He $11,585 no ka uku ma ka aelike a no ka uku paha o ka Lunanana Alanui kekahi mau dala i pii loa aku la a piha kela huina. Nui ka hana a na kauka Kalana mai ke Kauka lapaau a na kauka e ae. »+* Ua hoike ae ka Pope o Roma i kona hauoli no ka huakai huli Welau Akau a Kauka Cook.