Ka Nupepa Kuokoa, Volume XLVI, Number 39, 24 September 1909 — E ULELE HOUIA ANA KE KUKINI Maloko o kaPaka Kinipopo Hou e Ikeia ai o Jackson ame ke Kepani o Hilo. [ARTICLE]

E ULELE HOUIA ANA KE KUKINI

Maloko o kaPaka Kinipopo Hou e Ikeia ai o Jackson ame ke Kepani o Hilo.

O ka lieihei kukini pahu loa a Tsakamoto, ke Kepani i kaa ai ka helu elua ma ka heihei o umi mile i malamaia ai ma kekahi mau pule ae nei i hala i aa aku nei e heihei me JackBon, ka moho o ke Teritore, e uleleia ana ia ma ka hora eiwa o ke kakahiaka o ka la Sabati, Okjatoba 3 maloko o ka paka kinipopo hou. £ hoomanaoia, mahope iho o ka heihei a na moho lehulehu i holo ai, a kaa ai ke eo o ia heihei ia Akoni Kaoo, ua aa ae o Tsukamoto e heihei me Jackson, a ma ke kakahiaka o ka la Sabati aku la i hala i maopopo loa ai ka ulele aku o ua mau moho la. Mamuli o ka ikeia ana i ke ano uluao'a ma ka heihei o umi mile i malamaia ai, a i ala mai ai kekahi mau hoopaapaa, nolaila e hookaawale loaia ana kahi o ka lehulehu mai kahi mai o na moho e holo ai, a pela hoi me kahi o na lunakanawai. Eia na moho a elua ke noke mau mai nei i ka hoomaamaa, a ma ka aoao o na Kepani ke kau nui aku nei lakou me na manaolana no ka aha'i 0 ka lakou moho i ka haaheo ma kela la. Oiai hoi eia no o Jackson ke paa nei 1 ka inoa moho no elua manawa i malamaia ai kela ano heihei ma Hawaii nei, nolaila, u», hoike ae oia i kona manaoio, e aha'i hou ana no oia i ka lanakiia no ke kolu o ka manawa. 0 na makana e haawiia ana i keia mau moho, o ia no na dala e loaa ana ma ka puka, o ia hoi e hookaawaleia ana he mau pa-keneka o na dala no laua e ka poe i kuleana i ka paka.