Ka Nupepa Kuokoa, Volume XLVI, Number 39, 24 September 1909 — E MAKEMAKE ANA E HOLO SENATOA [ARTICLE]

E MAKEMAKE ANA E HOLO SENATOA

Eia no keia i ka lihilihi loa o a. noonoo ana no na hana kalaiaina, o ia hoi he hookahi makahiki okoa mamua ae o ka hoea ana mai o ka hoouka kaua iwaeua o na aoao kalaiaina kuloko nei, ua hoike ae nei o Paul Isenberg i kona makemake no ka hoi hou ana aku iloko o ka Hale Senate, kahi ana i noho Peresidena ai oiai oia i kohoia ai i kauwa na ka lehulehu. He oiaio iloko o keia makahiki koho Senatoa ae, he ekolu mau Senatoa e pau ana ko lakou manawa, oia o W. 0. Smitli, Chas. ' Chillingworth ame McCarthy, a he mea maopopo no hoi, e hoomaha ana kekahi o īakou. Ma keia ano iho la i ala mai ai ka manao iloko o īsenberg aole no he hewa o kona hoike mua no i kona manao no ka makemake ana « loaa he noho nona iloko o kela hale kaukanawai.