Ka Nupepa Kuokoa, Volume XLVI, Number 39, 24 September 1909 — E KOHOIA I LUNANA POI. [ARTICLE]

E KOHOIA I LUNANA POI.

Ma ka meahou i hoikeia mai maloko o keia keena a i hoopukaia aku ai hoi ma ke Kuokoa o ka pule i hala aku la, e kekahi o na kanaka Hawaii i kamaaina loa i ko ke Kulanakauhale nei ame kekahi poe Hawaii e ae i loaa like na hoohuoi ana o ia ano, e pili ana i ka hana kolohe o na Pake i ka poi, i ulu mai ai ka manao iloko o mak(?u, he hana kupono loa ka hookaokoa ia ana o kekahi kanaka no ka nana ana i ke ku'iia ana o ka poi e na Pi|ke e lawelawe mai nei ma ia oihana o ke kuai poi. Oiai lie nui na hale ku'i poe e ku nei ma kela ame keia wahi o ko kulanakauhale nei, a ma na mokupuni e ae no hoi me ka mea ole nana e nana aku i ka lakou hana ana mai i ka poi, ua -hiki loa i na Pake ke hookomo i ka lakou mau mea apau i makemake ai ke manao lakou pela, me ka nana ole i ko ka lehulehu mau pono, oiai aia ka lakou nana ma ka lilo aku o ka poi, a ma ka loaa mai o ke dala. 0 ka poi, he ai haule ole ia i na kanaka Hawaii ame kekahi iman lahui e ae i maa i ka ai ana ia ano ai, e konoia mai ai ka maknala ana aku i ko ka lehulehu pono iloko o keia ai i pili i ko ke kanaka ola ana. Ke lioomanao nei makou, iloko o kekahi manawa ae nei i hala, he nui na hoohalahala i ala mai mamuli o ka pa'ipa'i ia ana o ka waiu me ka wai e ka poe kuai waiu, a no ia hana kolohe a ka poe kuai wain, ua kohoia aku he mea nana e nana pono i ka waiu, a ke ukuia nei ia kanaka malalo o na lilo o ka lehulehu, no ka nana ana mai i ka pono o ka lehulehu ma ia mahele pili i na mea e pono ai ko ke kanaka ola ana. Na i'a e kuaiia mai nei ma. ka makeke, aia malaila he kanaka i kohoia no ka nana pono ana i ke kuaiia o na i'a maikai ole, no ka makaala ana i ko ka lehulehu pono, a malalo hoi o na lilo o ka lehulehu. Aia ma kela ame keia wahi i maheleheleia ma na apana, he mau lunanana e makaala ana i na mea pelapela e hoopilikia aku ai i k.a y>ono o ka lehulehu, a o ka poi hoi kekahi o na mea ano nui ioa i pili i ko ke kanaka ola ana, ua nele iho la i kekahi mea a mau moa paha nana e makaala mai i ke kupono o ka hanaia ana ame kc kuaiia ana i ka lehulehu. He hana paakiki a he hana pohihihi ka hooiaio ana eia ke hookomoia mai nei ka poi a na Pake me ka mea hoohu, aka ke manao nei nae makou. e hiki ana i ka lehulehu o na Hawaii e lawe mai: nei i ka poi a na Pake, ke hooia mai i ko lakou ike ana i ke ano e 0 ka poi e'kuaiia mai nei i keia manawa. 1 ka manawa e hookomoia ai ka poi iloko o ka pahu, niahope iho o ke ku'iia ana, ua maopopo mua i ka Pake ka nui kupono e hiki ai ke piha ka pahu, oiāi no nae i ka hapalua o ka pahu ka* poi 1 ka wa hou loa, a i kekahi la ae e hele ana. kela pahu a piha pono. O ka mea apiki nae i ka wa e hookomo :ho ai i ka lima iloko no ke knpele ana, o ka wa ia e emi iho ai a haule loa ilalo o ka pahu, a liui pu lioi me ke pohapoha me ka liehee pu mahope iho o ka hoowaliiu ana a waiho aku no kekahi manawa, i ala mai ai na manao hoohiioi lehulehu no ke koloheia ana o ka poi e kuaiia mai nei i keia inanawa. Oiai nae e nana aku ana makou ma ke ano akea a laula no ka pono o ka lehulehu, ke manao nei ke Kuokoa ua hiki mai ka wa maikai a kupono loa a ka Papa Lunakiai o ke Kulanakauhale ame Kalana. o Honolulu nei, ina aia iloko o ko lakou mana, ke koho ana mai i kanaka a mau kanaka paha no ka nana pono ana i ke ku'iia ana ame ke kuaiia ana o ka poi. He nui na kumu maikai a kupono no ka nana ana i ke ano e ku'iia mai nei o ka poi. o ia no ke kapulu ana o na Pake i ka wa e ku'i ai. e laa ke kahe iho o ka hou iloko o ka poi, ke komo o ka lauoho ame kekahi mau ano e ae e ike oleia aku ai ka hana ana niai o na Pake, a oiai e nanaia ana kekahi mau meaai e ae a ka leliulelui e ka poe i hookohu ponoia no ia mau hana, nolaila aole he liana maikai ka hoohemahema wale ana i keia mahele pili loa i ko ka leliulehu pono. Oiai he lehulehu wale na Hawaii iloko o ka Papa Lunakiai, a lie Ilawaii hoi ka Meia o ke Kulanakauhale ame Kalana o Honolu 1 !! nei. nolaila ina aia iloko o ko lakou mana, ka hana ana mai i mau alahnle e hiki ai ke makaalaia ka hanaia ana o ka poi, ke koi nei ke Kuokoa e nanaia mai ka pono o na Hawaii ame kekahi mau lahui e ae ma na mea pili i keia koo o ke ola ana.