Ka Nupepa Kuokoa, Volume XLVI, Number 39, 24 September 1909 — NA LIMAHANA PUKIKI NO HAWAII NEI. [ARTICLE]

NA LIMAHANA PUKIKI NO HAWAII NEI.

Ma ka leka i loaa mai nei i ka Papa Hoopae Limahana ma Honolulu nei mai ka akena Mr. A. J. Campbell o ka hoounaia ana aku nei no ka huli ana i mau limaliana Pukiki, i hoomaopopo ia ae ai, e hoea mai ana oia ame na limahana Pukiki mamua ae o ka la Karisimaka e hoea mai ana. Ma ia leka e hoike mai ana o Mr. Campbell no ka loaa ana o na limahana i makemakeia, a pela pu hoi me ka moku nana e lawe mai ana ia lakou, a ma ka la 15 o ka mahina ae nei o Okatoba e haalele aku ai lakou i ko lakou aina hanau. I ka haalele ana aku o ka mokuahi no Europa, e holo pololei loa mai ana oia no keia awa, a ke manaoia aku nei, he heluna nui o na limahana Pukiki i loaa ia Campbell, aole hoi he mau wahi ohana kakaikahi. Ua manaoia o kela mau limahana Pukiki e hoea mai ana, he poe lakou i waeia mailoko mai o na ohana i maa i ka mahi ana i ka aina, a ia lakou e hoea mai ai ma Hawaii nei, e lilo ana lakou i poe mahi i na aina ē loaa aku ana ia lakou. Ua pau i ka pepehiia ke Kapena ame na luina o ka mokukuna Farani Qualitte e na kanaka hihiu o na mokupuni Mallieollo ma ka Paeaina o Nu Heberide.