Ka Nupepa Kuokoa, Volume XLVI, Number 39, 24 September 1909 — HAAWIIA HE UKO MAKANA KIEKIE Ekolu Haneri Dala i ka Mea e Loaa ai Kekahi Mau Pake Mahuka Ekolu. [ARTICLE]

HAAWIIA HE UKO MAKANA KIEKIE

Ekolu Haneri Dala i ka Mea e Loaa ai Kekahi Mau Pake Mahuka Ekolu.

No ka haalele ana o kekahi mau Pake ekolu oluna o ka Mokuani Pelekane Scottish Monarch i ko lakou noho hana ana iluna o kela mokuahi a lele mai la iuka nei o ka aina, e pee ai, ua koi ikaikaia aku ke kapena o kela mokuahi e hele koke oia e huli i kela poe. Pake, o kauia aku auanei ka hoopa'i maluna ona, no ke ku-e ana i ke kanawai o ke aupuni o Amerika. Ua haawi ae ka hui o Davies ma i bona i wahi no ke kapena e hookuuia mai ai e na luna aupuni Amerika maanei nei, a i wahi hoi no kela poe Pake e huliia aku ai a hoihoi aku iluna o ka mokuahi, utt haawiia ae he uku niakana o ekolu haneri dala i ka mea e hopu ana a hoihoi aku i kela poe Pake ekolu i ke kapena o ka mokuahi a lakou 0 ka mahuka ana mai: Eia na ilio hanu meheu o ke aupuni ke noke mai nei i ke kuekaa i na poopoo no ke ake nui e loaa kela • mau dala makana mahuahua, aka ma kekahi lohe nae i loaa aku i ka oihana makai, e\a no kela mau Pake iloko nei o keia kulanakauhale, a ke hunaia mai nei e na Pake kamaaina. Malalo o ke kanawai e pili ana i k-3 komo ana mai o na Pake, ua hookapu. loaia ka aeia ana o kekahi Pake e komo maloko o na aina o Amenka Huipuia, a o ka uhakūa ana o kela kanawai, e kauia no ka uku hoopa'i o hookahi kaukani dala no ka Pake hookahi, e like ana ia me ekolu kahkani dala no kela mau Pake ekolu, a o ke kapena o kela mokuahi ke palakai ana, ina aole e loaa kela poe Pake a hoihoiia aku imua ona.