Ka Nupepa Kuokoa, Volume XLVI, Number 39, 24 September 1909 — Nuhou Kuloko [ARTICLE]

Nuhou Kuloko

Ma keia kakahiaka e au aku ai ka Mauna Loa no kona mau awa kumau. Ma keia Poaono e malama ai o Mei'a Fem be paina hoomanao no kona la hanau. Ke makaala loa mai nei na makai i ke ano e ku ai o na kaa ma na aoao o na alanui. Haawi makanaia ke Kakauolelo McClellan a ka Elele Kuhio e na hoa kaukanawai he mau pika daia. Ma keia po e weheia ai he ahamele ma ka hale malalo o ka Luakini o Kawaiahao no ka pomaikai o ka Ekalesia. Nui na dala e ohiia nei e ke aupuni no na auhau sua i hookaa oleia no kekahi mau makahiki loihi ae nei i hala. Ma nehinei i hala aku ai ka Mokuahi Helene no ka hoomaemae houia mai o kona mau wahi i piiikia ma Kapalakiko. E alawa ae i Ka hoolaha kuai kudala o na aina aupuni ma ke Kiekiena o M.ikiki e oili aku nei ma kekahi wahi o keia pepa. O Samuel Spencer ka Kiaaina FreaT o ka hookohu ana aku nei i lala no ka Papa Komisina Laikini o ke Kalana o Hawaii. Ma lee ahiahi Poaha i hala he Kepani ka i loaa aku e waiho a make ana o ke alahao ua moku ke poo a kaawale i ke kaaahi. Ma ka Alameda e ku mai ai i keia kakahiaka mai Kapalakiko mai, e hoi mai ai kekahi mau limahana oloko o keia hui pa'i nupepa. Haano'uia mai ana ka piha o ka hale hulahula a Sam K. Nainoa iloko o na po e nokeia mai nei i ka hulahula no ka hapaumi wale no. Piha na kula aupuni i na haumana e hiki ole ai ke hookipa aku ia lakou apau ma keia komo hou ana iho nei o ke kula i keia makahiki. Ma ke kakahiaka o ka Poakolu nei i make ai o Chas. Alapai, ke kaikoeke o ka Meia mahope iho o ke kaa ma'i ana no ka manawa pokole. Ma ka Poa<>no nei i malamaia ae ai he paina luau komo hale ma Maili, Waianae eM. G. Correa. Ua ai a lawa ka poe apau i hoea aku ilaila. Ma ke kakahiaka o ka la Sabati, Okatoba 3 e ulele ai o Jaekson me Tsukamoto ma ka heihei kukini o 26 mile a oi maloko o ka pa kinipopo hou. Ke lohelohe houia mai nei, e hoaoia ana ka e hoololi i ka heihei kukini pahu loa mawaena o Jackson ame ke Kepani ma ka auwina la o ka la 3 o Okatoba ae nei. Ma ka hora 7:30 o keia ahiahi Poalima e akoakoa ae ai na Ahahui C. E. o na lahui like ole apau mKloko o ka Luakini o Kawaiahao: E hele ae na mea apau ma ia halawai. He hoike Kula Sabati ke malamaia ana ma Kaumakapili ame Kawaiahao ma keia Sabati iho, aole he hewa o ka naue ae i lohe i na himeni a na Papa Kula Sabati like ole. O lea la apopo ka la e ukuia ai na kanaka oluna o na mokukaua, a o ia aku ana kekahi Ia kahe nui o na pomaikai maloko nei o keia kulanakauhale mai na keiki aukai mai. Ma ka, Poaono aku nei i hala, i hoopauia mai ai ka hele ana o na kanalea Hawaii wawahi olohani i ka hana ilalo o ka mahiko o Waipahu, a ke kamau iki mai nei no ko Aiea poe iloko o

keia mau la kakaikaM a hiki i ka hoīkeia ana mai e hoomaha. Ua oluolu iki ke Kanikela Kepani e loaa ai kahi holoholo mahope o kona ■wkAio ana i ka eha i kiolaia -p-i mai kona kaalio ae mamuli o ka hooku'iia ana e ke kaa otomoble o Jno. Cluney. E hoomanao e ka poe lawe mau o ke Kuokoa ina aoie e loaa aku ana ka nupepa a kekahi poe, e hoomanao iho, no ka hookaa oleia ana o ka auhau no keia hapa makahiki e nee nei. Eia no ke paaia mai nei na dala makana o ka heihei i kaa ai k«; ,eo ia Kaoo e ka poe na lakou i hoala i ke2a heihei, a ke ku mai nei no o Kaoo ma ka aoao e koi ana ua kaa ke eo o kela heihei iaia. Ma ka la apopo e haawi ana ka hui pa'i nupepa Hawaiian Gazette Co., Ltd., he paina luau i kona mau limahana ame ko lakou mau ohana a ma ke kaaahi o ke kakahiaka o ia la e pau nui aku ai lakou no ke Kulanakauhale Momi (Pearl City.) He ehiku wale no kapuai wai i koe 0 ka luawai hookio o Nuuanu a o ka wi aku no ia o kekahi mau wahi i ka wai ole, ke ola e loaa mai kekahi mau kuaua koikoi i keia mau la iho, pela ka lioike a ka Luna nui Campbell. Ma ka Paka o Aala ma ke ahiahi Poalua nei he anaina kanaka nui maoli ka i hoea ae malaila me ka bana Hawaii, o ka pilikia nui aohe kukui o ka hale puhiohe aohe no i wehe ia ka puka a i pinana okoa na keiki puhiohe 1 komo ai iloko. Aohe i himeni o Mrs. Alapai no ka pouli. Ua poina ka malama Paka.