Ka Nupepa Kuokoa, Volume XLVI, Number 39, 24 September 1909 — PIHA INO NA HALE KULA I NA HAUMANA. [ARTICLE]

PIHA INO NA HALE KULA I NA HAUMANA.

Ma keia hoouiaka hou ana ilio nei o ke kula iloko o keia mahina, ua ikeia ua hiki ole i ka nui o na halekula ke hookipa mai i na haumana apau e» makemake ana e komo aku iloko o ia mau kula. Aole wale ma na kula o ke kulanakauhale nei keia piha loa, aka ma kekahi mau kula o na kuaaina aku nei kekahi i loaa ia pilikia- iike. Maloko o kekahi mau halekula, ua hiki 'aku ma kahi o ka iwakalua a kanakolu mau haumana i loaa ole he mau rumi no lakou e noho aku ai, a he mau rumi liilii loa hou maloko o kekahi mau kula e hiki ole ai.no ke apo aku i na keiki apau no ka hele ana i ke kula Oiai nae ua hooholo ka Ahaolelo aku nei i hala, e hoihoi ana i na kula malalo o na Kalana, nolaila ua ili aku ke koikoi o ka hoolako ana i mau rumi no kela mau keiki maluna o lakou, a ina aole pela, alaila e hoomaha ana kekahi mau keiki he hookahi makahiki, a hiki i ka loaa ana he mau rumi no lakou e hele aku ai ma ka lakou mau kula.