Ka Nupepa Kuokoa, Volume XLVI, Number 39, 24 September 1909 — LOAA HE UWAKI I AIHUEIA. [ARTICLE]

LOAA HE UWAKI I AIHUEIA.

Ua hookomo aku kekahi haole nona ka inoa o Tiller iaia iho iloko o ka poino, me ka manao o kona hoike ana aku i ka oihana makai, oia ka mea nana i haawi aku i na hooia i loaa pono ai ka haole nana i aihue i ka halekuai o Fernandes, kona mea e kaulana ai. Mamuli o ka hilinai oleia ana o kana mau olelo e ka oihana makai, ua hoopaaia oia maloko o kekahi o na keena hoopaa lawehala, a i ka huliia ana aku o kona kino, ua l<&a aku la he uwaki gula, a ua haole la nae o ka hoike ana aku, i haawi makanaia aku ka iaia mai kona makuahine aku. O ka ona pololei nae o kela uwaki gula ,oia no o E. F. Leslie he paoahi noluna o kekahi o na kaaahi o Dillingham ma, a oiai he mau hoohuoi e ae no kekahi o ka Oihana Makai e kau aku nei maluna ona, nolaila me he mea la i ka nana aku, mawaho ae o kona laweia mai e hookolokolo no ka hewa aihue, e lawe puia mai ana he mau hihia e ku-e ana iaia no kekahi mau powa lehulehu i liana ia iloko ae nei o kekahi manawa i hala.