Ka Nupepa Kuokoa, Volume XLVI, Number 39, 24 September 1909 — E LOHEIA ANA KA BANA PUHIOHE O PILIPINE. [ARTICLE]

E LOHEIA ANA KA BANA PUHIOHE O PILIPINE.

Ma ka huakai a ka Bana Puhiohe o Pilipine e huli hoi mai ana no ka ana mai i Honolulu nei ma ka la 12 a 13 paha 9 ka maliina ae nei 0 Okatoba e lohe ai ko ke kulanakauhale nei poe i ka paani ana 0 kela bana kaulana. Maluna mai 0 ka Mokuahi Chiyo Maru 0 ke k\i -ana mai i kela mau la aku nei, i hoea mai ai ka lunanui 0 ua bana puhiohe la no ka hlii pu ana mo ka poe ma Honolulu nei a hoolala no lea hiki ana ia lakou ke paani ma Honolulu no kekahi mau manawa mamua 0 ko lakou huli' hoi loa ana aku no Manila. "Wahi ana 0 ka lioike ana mai, ua nui ka mahaloia ame ka makahehi-nuiia o kela bana ma ka lakou huakai aku nei no Amerika, a ma na wahi apau a lakou i hele ai, e piha mau ana na halfekeaka i ka poe makaikai. Eia kela bana ma ke kahua hoikeike ma Seattle e noke mai nei i ka paani, a mailaila ae e hoi ae ai no Kapalakiko, a mamua 0 ka holo ana mai 0 ka moknahi lawekoa Thomas, e haawiia ana he mau ahamele e lakou ma kela kulanakauhale. )