Ka Nupepa Kuokoa, Volume XLVI, Number 39, 24 September 1909 — LOAA PONO NO KE KUAI OPIUMA [ARTICLE]

LOAA PONO NO KE KUAI OPIUMA

Ma ka po o ka Poalua nei i paa ae ai kekahi mau Pake elua i ka hopuia e ka oihana makai no ka malama ana he mau hale puhi opiuma, a he hookahi o keia mau Pake i palua kona hopuia ana no ia hewa hookahi no e hoalaia mai ai paha ka manao huhu o ka lunakanawai e nele ole ai ke kapiia iho a miko no ka paakiki. No kekalai mau manawa ae nei i liala i loaa aku ai ka manao hoohuoi ia Makai Apana aia ke puhi opiuma ke malamaia nei maloko o na hale o kela mau Pake, a i wahi e pau ai kuhihewa, ua hele okoa aku la oia me kekahi mau makai e ae, a loaa io aku la na meahana puhi opiuma ame ka opiuma no hoi, maloko o ua mau hale la. O Lee Chee Man ka inoa o kekahi Pake i hopuia, oia ka mea nona ka hālekuai laau ma ke alanui Moi e kokoke la i ke alanui Liliha, a o kona kokoolua oia o Ako, a aia kona hale ma ke alanui Moi ma kekahi adao aku o ke alanui ololi Desha. Mamuli o ka noho nanea o na ona no laua kela mau hale, nolaila aole he manawa a laua e liuna ai i ka opiuma, a i ka wa a Apana i komo aku ai iloko o ka halekuai laaū, ua loaa aku la iaia he hookahi tini opiuma me ka hap'a ame kekahi mau opiuma i hanaia no ke kuai ana aku ma ke kenikeni ame ka hapaha. Wahi a Apana o ka hoike ana ae, he keena puhi opiuma kekahi oloko o kela halekuai, a ilaila ka poe puhi opiuma ie hele mai ai no ke puhi opiuma^ana. Ma ka iua mai o na hale i -komoia e ka makai ua loaa aku na opiuma i lioomakaukauia no ke puhi ana ,a ua pau ma v i ia mau mea i ka laweia e Apana i hoike ma ko ke aupuni aoao.

j 0 ka hookuu kokeia ana aku nei no ia 0 ka Pake nona ka halekuai laan he umi ae nei la i hala, mamuli 0 ka I hoomaluia ana no na mahina he umikumamakolu, a paa hou iho la no oia no ka lna 0 ka manawa. | Ua oleloia, he nui no na wahi e kuaiia mai nei o ka opiuma, aka no ko [ Apana makemake e loaa na ike kupono ma ko ke aupuni aoao mamua o ka liopu ana aku, pela i hoohakaliaia ai I ka hopu ana i kekahi mau hale e hoo- ' mahu'i niai nei ma ia mau ano hana.