Ka Nupepa Kuokoa, Volume XLVI, Number 39, 24 September 1909 — IKEIA HE HOKU WELOWELO [ARTICLE]

IKEIA HE HOKU WELOWELO

Ma ka po aku nei ka o ka Poalima 0 ka pule i hala, i ike ai he elua mau wahine haole o Waikiki i kekahi hoku welowelo, ka mea nana i hookomo aku 1 ka maka'u iloko o laua, me he mea la ua hoea mai ka hopena o Honolulu nei e like me ia ai ia Kapalakiko. 0 ka wahine a ke kakauolelo a ka Meia, oia o Mrs. Eivenburgh ame Mrs. īleid ke u noho ana ma ka lanai o ka hale o Kauka MeLennan e>kamailio ana e like no me ko • na wahine ano mau, a ia wa i oili mai ai he hoku welowelo loihi mai ka lani ae, a o ka laua.mea ka i hoomaopopo, oia ka malamalama o ka lewa me ka naka pu o ka honua, me he mea la ua hoea mai ka haawina e like me ia i loaa ai ia Kapalakiko. Ua hele kela mau wahine a piha i ka maka'u,, oiai iloko o ko laua nanea i oili mai ai kela hoku kupaianaha. 1 ka huli hoi ana aku o ke kane a kekahi, oia ke kakauolelo a ka Meia, ua hoike mai la kela mau- wahine i ka laua meahou o ka ike ana ma kela po, a no ka manao o kela mau wahine, ma kahi kokoke loa i kela hale a laua e noho ana i haule mai ai ua hoku welowelo la, nolaila ua hele aku la lakou e huli, aka aole he mea i loaa ia lakou, no ka mea ii/a he hoku welowelo io ka mea i ikeia aia paha ia ma kahi mamao loa, a ina hoi he akua lele, a 4 laila ua puehu liilii wale ae no ia me ka waiho ole iho he wahi hoailona iluna o ka honua. He poe e ae no ka kekahi i ike i kela mea lele o kela po, a ua lokahi no ko lakou manao, he hoku welowelo io no ka lakou o ka ike ana aka o kahi nae o ka haule ana, me he 'inea la a ia ia ma kahi mamao loa e hiki ole ai ke ikeia oku.