Ka Nupepa Kuokoa, Volume XLVI, Number 40, 1 October 1909 — HE MOOLELO NO TINA POLENA A I OLE Ke Kaikamahine Loea Hana Lihilihi o Brukela. [ARTICLE]

HE MOOLELO NO TINA POLENA A I OLE Ke Kaikamahine Loea Hana Lihilihi o Brukela.

MOKUNA XXXVII. Hele pololei aku la ua wahine nei a mamua o Tina, ua kukuli iho la oia ilalo a paue aku la. "I hele mai la au e noi aku i kau mau huikala ana mai ''a'u e Tina," i hoomaka mai ai ua wahine la e kamailio me ka hiolo inakawalu ana mai o na waimaka mai kona mau lihilihi mai. <4 Ke hoomanao la oe i kela la o kou haule ana mai ka pali aku, mai kela la mai ko'u manaoio loa ua make la oe, aka nae i ka hele ana mai o kuu keiki a hoike mai ia'u i kela po aku nei, aole oe i make, akahi no a hoomamaia ae ko'u manao, oiai ua ku maoli no ka hewa pepehikanaka ia'u. "'Mai ia manawa mai no hoi, aole loa i loaa ia'u ne hookahi minuke o ka maha, me he mea la e maalo mau ae ana kou helehelena imua o'u, a ua ku a pilikia maoli au. Aole mamuli o ka'u mau hana hoopilikia ia oe i na wa i hala ae mahope, aole no hoi no kuu ike ana ua kaawale aku oe mai ka lilo ana mai i wahine na kuu keiki, aka no ka hoomanao ana ae, ua like pu au me Kaina, e loaa hou ole ai ia'u ka maha ame ka hauoli iloko o ke koena o ko'u mau la o ke ola ana aku. % <4 I kela manawa a Eneki o ka hoike ana mai ia'u, ua loaa hou oe iaia, o ka wa ia i ala mai ai na hoomanao ana iloko o'u e hoea mai ana ka wa e kau mai ai ka hoopa'i maluna o'u, aka i ko manawa nae i hoike aku ai iaia, ua haule maoli aku no oe mai ka pali aku, ua hoopohihihi loaia mai au, me ke komohia pu mai o ka hilahila iloko o'u no ka'u mau mea i hana aku ai maluna ou. "He oiaio ua nui ka hoo|wahawaha iloko o'u nou, me ko'u makemake io maoli no e kau aku kekahi mau haawina maikai ole maluna ou, aka aole loa nae au i makemake e kau aku ko'u lima maluna ou i wahi e hookoia ai ia manao o'u. Ua a'o mai nae oe e Tina ia'u i la, a no ka mea iloko o ke ino o ka'u mau hana i kau aku ai maluna ou, ua hana mai oe i kekahi hana maikai loa a'u i haupu mua ole ai ua loaa ia oe kekahi kalena i loaa ole i na wahine ma ka honua nei. "Ive hoike okoa aku nei au i keia mea imua ou, no kuu ike ana ua hoea mai ka manawa a'u e> hoohaahaa aku ai malalo o kou mau kapuai wawae, ka haawina hiki ole i kekaiii wahine ke hana mai ia'u. Ua hoike aku oe ina mea eae apau imua o kuu keiki, aka ua hookoe nae oe i ke kui omou ei hoomauia aku ai ke aloha mawaena o ka makua ame ke keiki, a no ia hana hookahi au i hana ai, pela oe i ike mai la ia'u i keia la he kauwa nau e kuu keiki. Aole wale no hoi o ka huikala ka'u liana nui o ka hoea ana mai la e ike' ia oe i keia la, aka no ka haawi pu ana aku hoi kekahi i lwi'u mau hoomaikai palena ole maluna ou." He keu maoli keia o ka la kupono loa ma kela kakahiaka Sabati no ka hu'e pau ana o ka Lede Hoborona i kona mau manao, a he la maikai hoi no laua a enlua me Tina e hookuikahi ai i ko laua mau mauao, a oiai ma kekahi la ae oia e mareia aku ai, nolaila he mea maikai ka hoopoina ana i na mea o ka wa i hala. Oiai nae ka Lede Hoborona e noke aku nei i ke kamailio ia Tina, ua hele. na maka o ua kaikamahine la a pohina i ka waimaka, a o ia kana o ka pane ana mai i ka waliine -hookiekie i hoohaahaa iaia iho i keia la i ka i ana mai: "E ka Madame maikai, ma keia hoea kino ana mai la ou imua o'u i keia la, ua hookomo mai oe i ka hauoli palena ole iloko o kuu puuwai, no ka mea ina aole i loaa ia kaua na kukakuka oluolu ana ma keia kakahiaka, ina ua lilo na upu ana no kuu liauoli i ka la apopo i mea waiwai ole, no ka hoomanao ana ae, e lilo ana oe me ko keiki i mau enemi ino loa mamuli o'u nei. "No ka'u mau huikala ana au o ka nonoi ana mai nei, ke haawi aku nei au me ka naau hemolele, a no ka mea aole loa au i kamailio iki aku i kekahi mea e pili ana no kau i hana mai ai ia'u, i kekahi kino ola uhane mawaho ae o kaua, a e like auanei me ka loihi o ko kaua ola ana aku, pela no ka loihi o kona waibo ana ma ke ano he mea hu-na mawaena ou ame a'u." "Ke hauoli nei au no kesa pane au e Tina, he mea hoi na'u i haupu mua ole e hana mai ana oe pela, a akahi no a hoomamaia ae ko'u mau manao kaumaha," wahi a ka Lede Hoborona me ka nana loa ana mai i na maka o Tina. "Ive hauoli nei au i ka loihe ana mai ia oe mai, ua hoomamaia ae kou mau manao kaumaha apau, a nolaila mai keia manawa aku, kei nonoi aku nei au ia oe me ke aloha, e hoopoiuu kaua i na mea o ka wa i hala, a ina e loaa ana he wahi keena no'u iloko o kou puuwai ma ke ano he kaikamahine au nau, alaila 0 oe pu auanei kekahi i hooluolu mai ia'u." Aole loa he mea nana i kaohi aku i na waimaka mai na lihilihi mai o ka Lede Hoborona mamuli o keiia mau olelo oluolu a Tina, alaila ua lalau mai la ua wahine nei i na lima o ke kaikamahine ana o ka hoowahawaha loa ana iloko o na la i hala ae a pane mai la me ka leo haalulu: "E kuu keiki, mai keia manawa aku, e kapa aku no au ia oe he kaikamahine ponoi na'u. Ua lanakila oet maluna o kuu naau hookano, ua liehi kuia ko'u mau manao haakei e kau mau hana oluolu. nolaila mai keia la aku e nana mau aku ana au ia oe ma ke ano he kaikamahine na'u, a pela hoi oe e kapa mai ai ia'u he makuahine nou. "Akahi au a ike, aole oe "he u'a hele hewa, aole hoi he wahi kaikamahine kama ole, aka o oe kekahi o na wahine i oi paumi ae i ka hanohano ame ke kilakila o na wahine ma Enelani nei, a ke hooia aku nei au imua ou me ka manao kaena o ka haaheo, ua kupono maoli no oe\ ka lilo ana i wahine na kuu keiki aloha." He manawa ia no ua mau wahine la e puili aloha ana kekahi me kekahi, a ia laua i noho pono ae ai iluna o ko laua mau noho, me he mea la o laua kekahi mau 'waihine hauoli loa, a mai kela manawa mai, aole loa i loaa aku kekahi manao hoowahawaha iloko o ka Leder Hoborona a hiki i kona hooluolu ana aku ma kela ao. Mamua o ka huli hoi ana mai o Babara, ua huli hoi aku la ka Lede Hoborona maluna o kona kaa, a me he mea la o kela kekahi 0 na la e hiki ole ai iaia ke .hoopoina, ka la hoi i hoano e ia ae ai oia mai kona ano hookiekie a ke kulana haahaa, ka mea hoi nana 1 hookahaha aku i ka poe i kamaaina i kona mau ano maoli. MOKUNA XXXVIII. I ka wehe ana mai o ke alaula o kekahi la ae, he la kalae malie ia, a aia hoi o Babara ke noke la i ka hoomakaukau ia Tina, a i ke kokoke ana aei e hiki i ka manawa no ke kaa e hoea mai ai, ua makaukau maoli o Tina, e kali wale ana no o ka ihiki mai o ko laua nei kaa, "Aole no hoi oe la e Babara e komo mai i wahi lole hou nou, ua hele hoi kena lole ou a kahiko?" wahi a Tina o ka pane ana aku ia Babara.

"Ina paha ua hookae oe i ko'u lie-le pu aku me oe me keia lole, alaila e aho no ko'u noho ana aole e hele e ike i kou la nui." . Ike iho la o Tina he hana makehewa wale no ka paakiki ana aku i ka inanao o keia luahine nolaila, aole oia i pane hou aku e ilio ana aku: "Aole o'u hookae ia oe e Babara, aka i hookolohe wale aku Ia no hoi au ia oe, no ka mea he la nui hoi keia o ka poe makaikai, -i?uresi uue it[ i 'eio auu ou ui ne[Biooq ou nnu i|rd aka aole no nae> ia he mea nui, a e hele pu ana no oe me a'u ma ke ano o oe ko'u ukali."' Eia o Tina me kona kahiko mare ua makaukau i kela manawa, aka aole nae he mau lako hoonani maluna o kona kino, koe wale no ke komo hoopalau a Eneki o ka hookomo ana ma kona manamanalima, eia no nae o ka u'i no o ka helehelena o ua kaikamahine la, ua uhi puia na mea hoonani, ina he mau mea kekahi o ia ano maluna o kona kino. I hakalia no ia laua nei a makaukau, o ka. hoea mai la no ia 0 ke kaa a Eneki o ka hoouna ana mai no laua nei, a u iho pu aku la laua no ke kau ana iluna o ke kaa. Ma ka puka o ka luakini i halawai aku ai laua nei me Eneki ame ka Lede Hoborona, kona kaikuahine ame kana kane hoopalau, a o ko lakou nei komo aku la no ia noloko o ka halepule, kahi e alanaia aku ai na opio iluna o ke kuahu, kahi e hooliloia ae ai laua 1 hookahi. Aole het hana nui ka hoolilo ana ae ia laua i hookahi, oiai ua makaukau mua ke kahunapule i kana hana, a i ka pau ana o ko laua mareia ana, ua pau ae la ko Tina ikeia ana ma ke ano he wahi kaikamahine inoa ole, no ka mea mai kela manawa mai, ua kapaia aku la oia ka Lede Hoborona. O na mea a Eneki o ka hoolala mua ana o ia no ko lakou holo koke* ana aku no Edinibolo, oiai hoi kona makuahine e noho aku ana.hoomakauliau ī kekahi ahaaina nui no kana keiki, he ahaaina| hoi e konoia aku ai ka poe hanohano apau o Enelani ma ia huli hoi ana mai o kana mau keiki, eia nae, ua lilo ia mau hoolala anai i mea ole, oiai i kela manawa a ka Lede Hoborona o ka noho ana | iho iluna o ke kaa, o ka wa ia i oili mai ai o kekahi wahi ke|iki | a haawi mai la i kekahi leka iaia, a penei na manao oloko o ka leka: "E ka Madame —Ua lohe mai au e mare ana ka kau keiki i i keia la, a ke noi aku nei au ia oe e lawe mai i ka paa mare hou no i ko'u walii e noho nei i ike aku ai hoi au ia laua. Malia paha e | hookahahaia aku ana kou manao mamuli o ka hoea ana aku o keia leka imua ou, aka mamuli no nae ia o ko'u hoomanao ana no na mea o ka wa i hala, au no e hoomanao pu la no'u nei. Ke kono pu aku nei no hoi au i ka poe apau i hele pu ma kela anaina mare e hoea like mai mahope iho o ka pau ana o ko laua mareia ana. "Ara Karifoda. Helu 143 Kuea Leiketa. "Ladana, Okatoba 17, 1870." "Akahi no a maopopo ia'u, ua huli hoi mai nei ka ke kaikuahine o ka Ela," i namunamu liilii iho ai ka Lede Hoborona, alaila ua haawi aku la oia i ka leka i kana keiki, a mai iaia aei hoi ia Tina. "O keia ke kaikuahine o ka Ela, o ke kakau ana mai e huli hoi mai ana oia no Ladana nei, a me he mea la aia pu aku la no ka Ela me ia, a o ko'u manao e hele kakou ilaila i keia manawa, a ina no hoi paha o ka Ela kekahi me kakou i keia manawa, ina hoi ua oi loa aku ka maikai," wahi a Tina o ka pane ana aku ia Eneki. Nolaila na .hooholo like iho la lakou e ae aku i ke kono a keia wahine, nolaila o Tina ame Eneki maluna o ko laua, kaa, o ka Lede Hoborona hoi me Babara maluna o ko laua a pela no hoi me Adele. ame kana kane hoopalau maluna o ko laua kaa, o ko lakou nei holo aku la no ia no ka helu i kuhikuhiia mai ai maloko o ka leka. la hoea ana aku a lakou nei, e hi-o mai ana na kauwa, no ka mea ua maopopo mua ko lakou nei hoea aku ilaila, a ia lakou nei i komo aku ai iloko o ka hale)> \>a hoikeia mai la ia lakou nei, e kali iki lakou no kekahi mau minuke a hiki i ka koea ana mai o ka ona hale. Iloko o na minuke he umi-kumamalima wale no, ua hoike mai la ke kauwa, ua makaukau ka ona hale e hookipa aku i na' malihini, a alakai aku la ia lakou nei noloko o kekahi keena hookipa nani. a aia hoi ma kekalii kihi, e( ku mai ana kekahi luahine i hele a luluu me na mea hoonani lie nui, a e kahiko ana hoi oia i kekahi lole eleele silika, a ia ike ana mai ia lakou nei, ua mahamaha mai la oia, me ka haawi ana mai i kona lima, aka no Tina nae, aia ka haohao ame ka hoohuoi iloko ona no kejia luahine, a no ka.hiki ole iaia ke uumi iho i ke kahaha iloko o kona naau nona, ua hopu okoa aku la oia i ua luahine la a i aku ia: "Aole ka oe he mea e aku, aka o oe no o Babara Beza," a puili mai la no hoi ua luahine nei ia Tina, me he makua la i ke{ keiki a hoomaka mai la e kamailio i ka pane ana mai: "Auhea oe e kuu keiki, aole paha oe i manao mua, o kau mau hana maikai i hana mai ai i kekalii wahi luahine me ka lole weiluwelu, ua like ia me kou kiola ana i kau berena maluna o ka wai, ka mea e hoilioi houia aku ana ia oe. Aole paha oe i manao mua o kela nana oluolu ana mai au inaluna o kekahi wahi luahine maioko o ka halekuai hana lihilihi o La Poka, e hiki mai ana ka la a ua luahine la e apo mai ai ia oe iloko o kona mau liina nia keia la mare ou? i "Aole no paha oe i haupu mua, o ko hele ana ae e kokua ia'u ma kela hina ana o'u mai ko alanui pii mai, ko hele ana mai e lapaau ia'u oiai au e noho ana iloko o ko'u pilikia, e hiki mai ana ka la a ua luahine la e hoike okoa aku ai iaia iho imua ou e like me ia au e ike mai nei. "Auhea nae oe e kel kaikamahine, ua haliaia e a'u kou mau aoao apau, ua kiloia e a'u kou mau ano, a ua ike au, aole oe i' hookae mai i kahi luahine e maau hele ana ma na huina alanui me he kuewa la. I keia la aole oe i hilahila iho i ua wahi luahine la me kona lole ekaeka e liele pu ana me oe iluna o ke kuahu laaliia o ka mare, a no ia uiau hana au, e ohi ana oe i ka pomaikai nui, he pomaikai lioi a'u e olelo ae; ai, ua makepono ke kaa ana aku o ia mau mea iloko o ka lima o kekahi kaikamahine e like me oe e Tina. "'A nou hoi e kuu Haku, aole au i noho wale me ka haha ole i kou mau ano apau, a ua ike au, me s he mea la ua like olua ma na ano apau. "Ua lioao aku au ia oe, me kuu manao e hoowahawaha ana la oe ia Tina, ka momi a'u e olelo,ae ai i loaa aku iloko o ka hihipe'a o ka moana mamuli o ka maopopo ole ana o ka moolelo pili i kona mau makua, eia nae aole oe i nana aku malaila, aka ua lawe mai no oe> iaia oiai no kela mau ao hakumakuma a mau alina hoi o ka hilahiia e kau ana maluna o kona inoa, a no ia keehina naauao nae au o ka lawe ana ae, ke i aku nei au ia oe, e papahi pu aku ana oe i ka makana oi kelakela au i moeuhane mua ole ai." Mahope iho o x ka ike ana o Babara ina mea apau, ua hoi hou aku la no o Tina a ma ka aoao o ua luahine nei, hoomaka hou aku la e nana iaia me ka pane ana aku: "Aole e hiki loa ia'u ke hoomaopopo o oe= no keia o Babara. Pehea la i hiki ai ia oe ke hoano e ia oe iho? o ka'u i ike ai la, o ia no ko kakou hele like ana aku nei no ka halepule, a hoi like mai nei no hoi kakou, o kou loli ano e ae nei no ka ia a me he mea la aole oe he luahine, aka o oe kekahi o na wahine iloko o kou mau la wahine u'i. "Ua like pu keia me ka moolelo o Cindarela ame kona kamaa ; aka ma keia nae hoi o ka wahine ka i loli ano e, a ma kekahi moolelo aku hoi, oke kaikamahine ka i hoano e ia. Aka ua hala aku la nae ia, a pehea o oe maoli no anei o Ara, ke kaikuahine o ka Ela?" "Ae, owau keia o ka Lede Babara Karifoda, aka aole nae au i kapa ikiia o Babara, oiai o Ara ko'u inoa e kapa mauia ana e ko'u ohana, a aia i kela wa o ko'u kaawale ana mai ka aina nei aku, o ka manawa wale no ia i kaheaia ai au o Babara.

"O ko'u kumu o ka liele ana ma ka inoa o Babara Baza i ole ai e ikeia mai au e ko'u mau hoalolia, a he oiaio ua nalo no lioi au mai ka lakou ike a hoomaopopo ana mai i ko'u ano maoli. 'Mai keia manawa aku nae e pau ana kou kapa ana mai ia'u ma ia inoa i kamaaina ia oe. aka e kahea mai oq ia'u he kupunawahine 11011, a ma keia hope aku, aole oe e hoolauna waleia aku no imua o ke ao holookoa ma ke ano ka Lede Hoborona. aka ma ke ano pu, ka moopuna a hooilina hoi o ka waiwai o ka Lede Ara Karifoda." Ua puiwa hikilele ae la o no ka lohe ana aku i kela mau olelo a Babara, a e makaukau'aku ana oia e hoopuka i kana mea i makemake ai e kamailio aku, aka ua papa e mai la nae ua luahine la a hoomau hou mai la i kana kamailio ana: "Ua maopopo ia'u kau mea i makeimake ai e kamailio mai e Tina, aka aole au ei hoi hou aku ana a hoomanao i na mea i liala, no ka mea he la keia no ko kakou hauoli, a no na mea wale no o ! hauoli ai ka kakou kamailio nui o keia la, aole no keka>hi mau mea okoa aku." Ua hene iho la ka Tina aka me ka mae ana ae o kona heilehelena a i aku la: "Ua hoopohiliihi maoli mai no oe ia'u inamuli 0 kau mau hana e Babara," me ka alawa ana ae o kona mau maka 1 na mea nani like ole oloko o ke keeaia hookipa a lakou e noho uei. ''Pehea la oe i nalo hikiwawe iho ai me ko makou ike ole eia nae ua ihoea mai la oe ma kekalii ano okoa aku, a pehea e nele ai ko makou kahaha no ia mau hana aiwaiwa au?'' Ua noke ae la o Babara i ka akaaka me ka leo nui, a i mai la: "lloko o na mahina elua i hala ae nei īnaliope iho o ko'u hehī hou ana i ka lepo o Enelani nei, o ka'u hana mua o ka hoolala ana, o ia no ka hoonani ana i ko'u home nei f no ka liookipa ana mai i kuu kaikunane ame kona ohana. Aole i loaa aku ka ike ia lakou eia au i Ladana nei a liiki i kela mau pule aku nei i hala. "O ko'u manao maoli, o ia ke kono ana aku ia lakou e kipa mai e ike ia'u, a iloko no hoi o ia manawa hookahi e kukala aku ai au no kou lilo ana mai i hooilina no ko'u mau waiwai apau. "Aole loa au i manao nma o oe ke kaikamaliine a Lui Karifoda, aka mamuli wale no o kuu makemake e holo aku ko'u mau waiwai iloko o ka lima o kekalii mea a'u e ike aku ai i ka hooliana akahele ia, me ka lilo ole i ka uhauhaia, pela au i hooili aku ai i kuu waiwai maluna ou. "Aole au i noho pouliuli no na mea e pili ana i ka ohaua 0 kuu kaikunane ,no ka inea ma ke ano o ka luahine i kamaaina ia oukou, ma ia ano au i hoea mau aku ai imua o lakou, a ua ahuwale ko lakou mau ano apau imua o'u, no kekahi mauawa okoa aku nae au e hoike aku ai ia oukou no ia moolelo. "I kela manawa o kuu hoomaopopo ana e wikiwiki ana oe i ka mare ana mai i kuu Tina, ua eleu koke iho la au ma ka. hoomakaukau ana i ke.ia wahi paina a kakou o keia la. Ua kuhihewa oe e Tina, aia au ke hele mau la i ke kuai pua i kela ame keia la, aka he mau hana hoouhiuhi wale no ia a'u i ole ai oe e ike mai i ke ano o ka'u wahi e hela ana a pela hoi me ka'u mau mea e hana ana. "No ko'u loli ano e ana mai kekahi ano a i kekahi, he mea maalahi wale no ia, no ka mea ia kakou i hoea like mai nei, ua komo loa mai nei oukou noloko nei o ka hale, a nihi aku la au ma kekahi alaheile okoa, no ka hale oluna, a ua makaukau imia ko'u mau mea apau, a komo ilio. la au nie ka hoohakalia ole iho, a oia au a oukou e ike mai Ja, aole au o kahi luahine e kuhaia mai ana e na kanaka 0 na alanui, aka owaa no keia o Ara, ka niea i nalowale mai Enelani aku nei no na makahiki he kanaha-kumamalima." Ua huli hou mai la nae oia imua o ka Haku Hoborona a pane mai la: t4 Ua hoike aku nei au ia oe, aole oe i mare aku i kekahi wahi kaikamaliine ano ole, a kaikamahine palia o na huina alanui» aka ua mare aku oe i ke kaikamahine a Lui Karifoda ame Heleua Bukania, a no ka mea ua ike maka au i ko laua mareia ana me ka hoohewahewa ole." He manawa ia e halii ana ke anoano eehia inaluna o ke anaina holookoa mamuli o ka lohe ana i keia nuhou kamahao, a o ka mea 01 loa aku' o ka hauoli o ia no ka Lede Hoborona, no ka mea o keia kana e nauki loa ana o ka ike, i ka ohana i puka aku ai o Tina, a i kela lohe ana mai no he kaikamahine ponoi oia na Lui Karifoda, ua hiki hou ole iho iaia ke uumi i kona manao hauoli, aka ua kaa e aku la nae ia Tina ka pane ana mai: "Auhea oe e Eneki, he keu maoli keja o ka la i hoakoakoaia ai na mea kupaianaha he nui," a. puliki aku la oia i ka lima o Eneki me ka liaka loa ana-aku o kona mau maka maluna o Eneki, a aole i hooneleia ka hookaheia ana o na kulu waimaka e ua mau opio la. "Auhea oe e kuu Haku," i hoomau mai ai o Ara i ke kamailio ana. "E hoomanawanui ko kakou kamailio ana no keia mau mea a loaa he manawa hon aku, a oiai ua ma-u keia noho ana a kakou. nolaila ke noi aku nei au e hookuuia mai au no kekahi manawa pokole, oiai ua hoomakaukau au i kekahi papaaina no kakou i keia la, a e naue aku ana kakou e ai i keia manawa. "Ua makaukau na rumi o kuu*hale nej no olua e kuu Haku ame ka Lede Hoborona, nolaila e hoomoe ka huakai makaikai a olua a no kekahi wa hou aku, a aia a keia Toakolu iho, e haawi ana au i kekalii aha ike nui, me ke kono ana i ko'u mau lioaloha kahiko apau e hele mai e ike ia'u, a iloko o ia manawa hookahi e kukala aku ai au imua o ke akea, no ko'u hooili ana i ko'u mau waiwai apau maluna o kuu Tina aloha." ( Ua hoike aku la no hoi ka Haku Hoborona no ka hiki no ke ihoopaneeia kela huakai liele ana o ka hoolala ana, a wahi ana, i hana wale no oia pela i loaa ai he manawa e hoomakaukauia ai ko laua honiQ hou e noho aku ai. "Ina hoi ha pela e hoopau loa no ko olua hele ana no Ediniboro, a e noho mau mai no olua me a'u ma ko 1 u home nei, no ka mea no olua ponoi keia home mai keia manawa aku, a aole no au i makemake e ike aku i ka hele ana o Tina mai kuu alo aku." Ua liaawi aku la no o Eneki i kona ae, ka mea hoi naua i hoomama loa aku i ko Tina manao no ka noho mau ana aku me Babara, a pau ka manao hou ana aku e imi i wahi no laua e noho ai. "Aole a olua hopohopo ana no kekahi mea, oiai ke l.awe mai nei au i na koikoi apau maluna o kuu poohiwi," alaila ua hookani aku la ua Lede Ara la i ka bele, a ia oili ana mai o kekahi o kana mau kauwa lawelawe, ua haawi aku la oia i ke kauoha i ka i ana aku: "E lawe aku ia lakou nei no ka hale oluna, a e kuhikuhi akn ia lakou i ko lakou mau rumi, no ka wailio ana aku i na papale ame na mikinilima, alaila hoi mai kakou e ai, oiai ua makaukf>j na mea apau, a aia hoi a pau ka kakou ai ana, ia manawa au e ike aku ai i ko'u moolelo, a me kei ano o ko'u ike ana i ka ana o na makua o Tina." hele io aku la lakou nei e wehewehe i ko lakou mau papale, a ia iho ana mai a lakou noloko o ke keena aina e aa ana na ipukukui, oiai ua hoopouliuliia na puka aniani, a ke>, nana aku ma k« la ame keia wahi o na rumi o ua hale la, hewa i ka maka ke ike :tktf i na nani like ole. Oiai lakou e noho ana e ai maluna o ke pakaukau, ua i mai la ka Lede Ara ) kana mau malihini: "He hookahi no mea nana i kaohi mai i ko'u hu'epau ana ae i ka hauoli i loaa ia'u i keia la, o ia no ka hoea ole ana mai o kuu kaikunane i keia la me kakou. O ko'u manao nui no hoi ia o kona hoea mai a he hookahi ko kakou lialawai pu ana, eia nae hoi awiwi loa olna i ka mare ana, a pela i holopono ole ai ka'u mau hoolala ana e like me ka'u i makcy make ai." "Aole nae hoi o keia ua hala iho la ia, aka malia o hoea mai oia a halawai pu me kakou i 'ka po Poakolu ae, a ia manawa e loaa hou ai ia kakou he manawa e hui pu ai me ka hauoli." r.,i (Aou I P an.) .