Ka Nupepa Kuokoa, Volume XLVI, Number 40, 1 October 1909 — HE MAU KUMULAAU HAAWI WALE. [ARTICLE]

HE MAU KUMULAAU HAAWI WALE.

I ka Lunahooponopono o ke Kuokoa, Aloha oe: Malia paha e lilo ana i mea makemakeia ka loaa wale ana aku o na kumulaau no ke kanu ana ma ka la kanu laau (Arbor Day) i ka poe mea aina apau maloko nei o keia Teritore, ina pela e ae mai ia'u e kono aku i ka poe heluhelu o kau nupepa, ua hiki ke loaa wale aku na kumulaau mai ka Papa Mahiai aku ame Ululaau i ka poe apau e ae mai ana e kanu ia lakou a e malama aku hoi i ko lakou ulu maikai ana. E hoea mai ana ka la kanu laau ma ka Poalima elua o Novemaba. Ma ia la i .makemakeia ai e puunaueia aku na kumulaau mai kahi kanu laau aku 0 ke aupuni, a ma na "wahi kanu. laau e ae i kukuluia ma kekahi mau Mokupuni e aku, i elua kakini kumulaau 1 keila ame keia kanaka e noi mai ana. 0 keia mau kumulaau e haawi waleia aku ana, o ia no na kumulaau i kupono no na ululaau, na laau no ka hoomalumalu ana, na laau ku makani ame na laau no ka hoonani ana, e like me ka Ironwood, Silk Oak, na ano like ole o ka palepiva, Monterey Cypress, Poinieiana, Golden ame kekahi mau ano laau lehulehu e ae. Eia ke hoomakaukauia nei ka papainoa o na laau e na kanaka na lakou e malama nei i kahi hooulu laau ame ka poe e ae i loaa na manao makee no kela hana, e hiki ole ai ke hooneleia "kekahi mea. Oka poe i hoouna ole mai i na kauoha, ua hiki ke kakau pololei mai ma ka leka, e hoike ana i kona inoa ame kahi noho, kahi kokoke e ku ai ka mokuahi ame na ano laau ana i makemake nui ai. E kakauia mai na palapala ma ka inoa o-Mr. Ealph S. Hosmer, Pahu Leka 331, Honolulu, Oahu. Me ka manaolana e hookipa ia aku ana keia manao me ke ohohia e na kanaka apuni keia Teritore, o ka oi loa aku paha e ka poe*i loaa na home hookuonoono ame kekahi poe i loaa na kuleana a mau apana aina e ae paha. 0 ka loaa wale ana o na kakini kumulaau elua, me ka laweia aku a kokoke 1 kahi o ka home o kekahi mea, he hana maa oleia, aka e uele ole ai nae ke komohia iho o ka manao makemake e waiho mai i ke kauoha. Kou oiaio, EALPH S. HOSMER, Lunanui o na Ululaau.