Ka Nupepa Kuokoa, Volume XLVI, Number 40, 1 October 1909 — HE HOOMAIKAI NUI. [ARTICLE]

HE HOOMAIKAI NUI.

Mamuli o na mea maikai i panaiia mai 'i kou meakakau nei e kekahi o na hoapaahana o ka Ekalesia o Hau* ula, Koolau, Honolulu, oiai na la a kou meakakau nei i noho pu ai me lakou no ka lawelawe ana i na hana ,komo kauhale, a malama pu i ke anaina pule o ke Sabati ma ia Ekalesia ua malama maikai ia koū meakakau nei ma na mea e pili ana i ke ola kino ame na pono e ae o ka noho ana, ua ai a lawa, ua inu a kena a haalele wale aku la i ka lokomaikai o na kamaaina. Nolaila, ke haawi nei au i ka'u hoomaikai nui ia Mr. ame Mrs Lukela Piimanu a me na keiki pu me ka malu na ke Akua niai ma o ko lakou malama maikai ana i kou meakakau nei ma na mea apau e pono ai a na ke Akua no auanei e hoohanini iho i na pono ulakolako o keia nohona. Me ka haahaa, REV. G. K. WAIAU! Pauoa, Honolulu, Sepatemaba 26, 1909.