Ka Nupepa Kuokoa, Volume XLVI, Number 40, 1 October 1909 — KAULUWELA NA MOKUKAUA I NA KUKUI UWILA. [ARTICLE]

KAULUWELA NA MOKUKAUA I NA KUKUI UWILA.

Ma ka po o ka Poalua ibo nei i lioikeike ae ai na mokukaua o ka Pakipika i ko lakou nani, ma o na kukui uwila like ole e hoopuni ana i na aoao ame na wahi apau o kela ame keia mokukaua. Ilaila ae ko ke kulanakauhale nei poe kahi i luana ai, ma ke anaina ike a hoohauoli a na keiki aukai i haawi ai no lea hanohano o ko Honolulu nei poe. Ua hoowehiwehiia oluna o na mokukaua lawe hae me na hae ame na nani like ole e hewa ai i ka maka ke nana aku, a he oiaio o keia kekahi o na hiona e hiki ole ai ke hoopoinaia iloko o ka hoomanao ana a na kamaaina 0 keia kulanakauhale. Uaila ka Bana kalii i paani ai ma kela po, a iloko o kela ame kei:i manawa e paani mai ana na bana puhiohe o na mokukaua, ka mea nana i hoohauoli mai i ka poe i akoakoa aku ma ka aha ike i haawiia ma kela po. Ua manaoia, ua hiki aku ka nui o ka poe 1 komo ma kela anaina ike, a 1 komo hoi ma na hulahula o kela po, ma kahi o ka 12 a 33 paha haneri. Aole wale o na mokukaua ma na uwapo na moku i hoike mai i ka nani o ko lakou mau kukui uwila, aka o kekahi mau mokukaua kekahi e ku nei mawaho o ke awa, he ku i ka nani ke nana aku ka olinolino mai o na kukui iluna o ka ilikai. Ua hele ho hoi a hiki i na hora aumoe, ua huli hoi aku kela ame keia no ko lakou mau home me. na manao mahalo, no na hookipa ohaoha i paholaia aku imua o lakou e na • kanaka apau o na mokukaua.