Ka Nupepa Kuokoa, Volume XLVI, Number 40, 1 October 1909 — KAA I NA KEPANI KA HELU EKAHI O KE KINIPOPO. [ARTICLE]

KAA I NA KEPANI KA HELU EKAHI O KE KINIPOPO.

Ua kaa ka inoa moho no ka hapa mua o ke kikina kinipopo maloko o ka Paka 'kinipopo hou i ka hui J. A. C. o na Kepani, mamuli o ka haule ana o ka hui o Kalihi i na koa Marina ma ke Sabati aku la i hala. Mailoko mai o na paani ana eiwa a na Kepani ma ka hapa mua o keia kikina, he eono o ia mau paani ana i kaa ai ke eo ia lakou, a kau aku hoi na hui o Kalihi ame ke C. A. C. ma ka helu elua. Ua manaoia, ina no ke kaa o ke eo o ka hookuku mawaena o Kalihi ame na koa Marina ma kela Sabati, ina ua aumeume ka helu ekahi mawaena o na hui J. A. C. ame Kalihi, aka ua haawi ia aku na keiki o Kalihi e na koa Marina i na huakaka eiwa ma ia hookuku ana. O keia ka paani i hoopaneeia mai ai mawaena o kela mau hui, mamuli o ka loaa ole ana o ke eo o kekahi hookuku i malamaia e iaua iloko o kekahi aku nei i hala, o ia hoi kela paani ana i loaa ai na komo ana he umi-kumamahiku me ka pa'iapa'i 0 na aoao a elua. Ua malama muaia ka hookuku mawaena o na koa Marina me ko Kalihi, a mai ke komo ekahi ana a hiki i ka pau ana o na komo ana eiwa, aole loa he hookahi aipuni i loaa i ko Kalihi, a ma ke komo eha ana i loaa ai he hookahi aipuni i na koa Marina, ka aipuni liookahi hoi nana i kaili mai i ka hanohano o ka paani ana ma kela la ma ko lakou aoao. • Aole nae o kela wale no ka paani maikai i ikeia, aka o lea hookuku kekahi mawaena o ka hui o na Kepani me ko ka mokukaua Tenesi, ua kaa ke eo o ia paani ana i na keiki aumoana, he ekolu i ka elua na aipuni a ua mau hui la. i Ua hele ke iahua kinipopo a piha i ka poe maleaikai, a ua koho waleia, aia ' paha ma kahi o ka ekolu kaukani me elima haneri ka nui o ka poe i ike i na paani ana o kela la, me ka helu oleia o ka poe e kuku mai ana ma na lanai o e pili kokoke mai ana | 1 ka pa kinipopo, maluna o kaupoku o ' na hale a maluna o na kumulaau. | Ma ka Poaono aku hoi, ua nokeia na hui o kekahi mau mokukaua i ka ulupaia e na keiki o ka aina nei, oiai o ka hookuku mawaena o ka hui o ka Mokukaua Colorado ame Kamehameha, ua hoi nele na keiki o ka mokukaua, a he ehiku hoi aipuni ma ka aoao o Kamehameha. Ua aha'i ke Daimana Hila i ke eo o ka paani mawaena o ia hui ame ko Virginia Komohana, he eha i ka ekolu na aipuni a ua mau hui la iloko o na komo ana he umi-kumamakahi. ++*. : O ka makuahine ka ke keiki e nali ai i kona wa bebe, aka o ka makuakane nae ka ilina ke kanaka makua āe oia.—Euripides.