Ka Nupepa Kuokoa, Volume XLVI, Number 40, 1 October 1909 — HOOPAUIA KE KEENA KAKAUOLELO POO. [ARTICLE]

HOOPAUIA KE KEENA KAKAUOLELO POO.

Ma keia Poalima, ka la 1 o ka mahina o Okatoba nei, e hoopau loaia ai k© keena o ke kakauolelo poo a ke Kia.aina e like me ia i ike mauia maloko o kona keena, a nia ia ano, aole e hookohuia aku ana he kanaka no kela ku"lana ma keia mua aku. 0 K. 0. Matheson ka Kiaaina Frear o ka hookohu ana' aku i kekahi manawa ae nei i hala ma _o ka hookiekieia ana aku o O'onklin no ke kulana Puuku o ke Teritore, aka ua waiho aku nei nae o Matheson ia kulana mamuli o kona lilo ana ae nei i Lunaliooponopono no ka Nupepa Advertiser ma kalii hoi o W. G'. Smith i waiho mai ia hana no ka huli hoi ana aku no Amerika. Ma ka manawa e waiho hakahaka ana kela wahi iīoko o kela mau la aku nei, ua nui ka poe i waiho aku imua o ke Kiaaina i ka lakou mau palapala noi, a iwaena o ka poe noi, o ke kakauolelo kekahi a H. B. Baldwin o Maui, a oia ka ke Kiaaina o ka hoike ana ae no ka lilo ana i kakauolelo poo noloko o kona keena. Mahope iho nae o kekahi mau hooponopono ana, ua hoololi houia ae ka mānao e hookohu aku i kakauolelo poo, a ma ka Poalua nei i hoounaia aku ai ka lohe ma ke kelekalapa uweaole i Maui e hoike aku ana no ka hoopauia ana o kela kulana, aka ina no kona makemake e hoi mai e noho hana no ke keena o ke Kiaaina, ua hiki iaia ke hoi mai ma ke ano kakauolelo. Mawaho ae o kela hoololi a ke Kiaaina i manao ai, e hookaokoa loaia aku ana na keena o ke Kiaaina mai Wke Kakauolelo mai o ke Teritore a pela hoi me na hana o kela mau keena a elua, e waiwai ole ai no ke koho ana i kakauolelo poo e like me ko ka wa i hala. Oiai nae e ku kaawale loa aku ana kela mau keena me ka laua mau hana ponoi iho, ua manaoia, ina no ke koho ana i kakauolelo poo, alaila o Mcßryde ka mea e noho kakauolelo pilikino nei na ke Kiaaina ka mea nana e lawe ae ana ia kulana no kela keena, a o ka hope kakauolelo poo Mr. o'Sullivan ka mea i noho hope kakauolelo poo no ka wa i hala ka mea nana e hoopiha ia kulana iloko o ke keena o ke Kakauolelo o ke Teritore.