Ka Nupepa Kuokoa, Volume XLVI, Number 40, 1 October 1909 — KI IA WAHINE IAIA IHO A MAKE Me ka Pu Panapana i Kaiilia ae ai ke Ola o Kekahi Wahine Haole Kumukula. [ARTICLE]

KI IA WAHINE IAIA IHO A MAKE

Me ka Pu Panapana i Kaiilia ae ai ke Ola o Kekahi Wahine Haole Kumukula.

Mamuli o ka hoopuniia ana e na popilikia lie nui o keia ola ana i lawo maoli aj he wohine haole nona ka inoa o Helen Kelsey i kona ola ma ka po o ka Poalua nei me ka pu panapana mai kona lima ponoi mai. He kumukula oia no ke Kula o Kaahumanu no kekahL manawa ae nei i hala a hiki wale aku 1 a no i kona make āna, a mainuli o na leka lehulehu i loaa aku i-kakauia eia, i maopopo loa ai, aole no he kumu okoa e ae o kona lawe koke ana i kona ola, aka no ka nui o na pilikia. Ua ike hopeia oia e kona mau hoaloha ma ka hora ewalu o ka po Poa- ' lua, iaia i huli hoi aku ai mai kebāhi aku o na haleaina o ke taona nei, kahi ana i maa i ka hele ana ilaila e ai ai. Ma kela po hookahi no, ua loheia kona kamailio no ka hoihoi ole mai 0 ka Pake holoi i kona mau lole, a ilaila no oia kahi i imi pono ai i ke kumu i hoihoi oleia mai ai o kona mau lole a i kii oleia mai ai hoi na lole lepo. 0 kona haalele hou ana i kona rumi moe, aole he mea i hoomaopopo aka o ka loaa ana aku nae o kona kino make ma ka lanai o ka halekula ma kahi kahiko i ku iho nei o ke Kula Kiekie, 1 loaa mai ai na hooiaio ana, ua haalele aku oia i kona rumi ma kekahi manawa o kela po. Ua loaa aku kona kino make i ka mea nana e malama nei i ka pa kula, ma ka hora eono o ke kakahiaka o ka Poakolu ae, a nana hoi i hoike ae i ka oihana makai no ka make ana o kela wahine. Mamuli nae o ka hoike a kekahi mea e noho kokoke ana ma kahi i make j aku la o kela wahine, no kona lohe ana i ke kani o ka pu panapana ma kela po, i hoomaopopoia ae ai, o ka manawa o* kela wahine i lawe ai i kona ola, mawaena no ia o ka hora umi ame ka hora umi me ka hapa o kela po. Oiai ua lawa Joa na hoomaopopo ana no kona lawe maoli ana no i kona ola

iho, nolaila aole he hana nui na ke kiure koronelo ka hooholo. ana i ke kumu o kona make ana. Eia no kana kane i oki ai a moku mai ko laua n&ho mare ana ke ola mai nei, a mawaho ae ona, he keikikane kekahi a he kaikunane e ola mal nei.