Ka Nupepa Kuokoa, Volume XLVI, Number 41, 8 October 1909 — HE HOONANEA NO KA MANAWA [ARTICLE]

HE HOONANEA NO KA MANAWA

He Moolelo HawaiL No ke koi paakiki loa mai o ka wa» hine, ua ae okoa aku la o Kukualeimaka i kona manao, a o ko laua nei hele aku la ia no kahi o na puu pohaku, a o ka mea kupaianaha nae, aole laua i hiki ae i kahi o ua mau puu pohaku la, ua ike e mai la o Kukualeimaka i ke kowelo o kekahi mea ulaula mahope o ka wahine a ninau mai la: "Ea, heaha aku hoi kena mea ulaula mahope ou e Kapohakau e kowelo mai neif" a ia wa i auhea mai ai i ka i ana mai: "Heaha hoi ia mea au e lioopaliEahao mai nei ia kauaf" {i ~Ō kena mea ulaula aku hoi e kaualako mai la mahope ou, heaha aku ke ano o kena meaf" "Ina pela o ke keiki aku la ia a kaua, no ka mea o ko kaua nanea no hoi ia i ka hele, a he anuu ana ka'u i ike, o ka oili aku la no ia o kekahi mea mailoko aku nei o'u, a manao ae la au o ke keiki ia a kaua." * "A aia aku nei ihea ua keiki nei," i ninau mai ai o Kukualeimaka me kona piha i ke kahaha. "He ninau mai ka kau ia'u! O ke anuu ana ka'u i ike, a i haha iho nei kuu hana ,aole ke keiki oloko nei o kuu opu, e nana aku ana oe i hope i kalii a kaua o ka hele ana mai nei?*' Ia huli ana aku a Kukualeimaka ihope, ua ike aku la oia i ka ula mai 0 ka wai, a ike pu aku la no hoi oia 1 ka lana mai o ka Oopuhue iluna o ka wai, ua hele no hoi .ka opu a nui, a ma ka walia o ua i'a nei, e hoolana heleia mai ana kekahi mea nui ano kupaianaha, a no kona manao loa o ke keiki kela a laua e paa ia la e ka waha o ka Oopuhue, "Auhea oe e Kapohaleau, eia ua keiki nei la a kaua ke paaia mai nei e ka waha o keia i'a, he i'a auanei keia, he ku i ka hookalakupua kona ano ke nana aku. He nana i'a wale ae no hoi, aole e like nue keia Oopuhue ka hele a nui palena ole, ua kohu kohola ka lana hele mai iluna o ka wai." "E hooikaika aku hoi ha oe i wahi e loaa ai ke keiki a kaua, a pehea e hiki ana no anei ia oe ke alualu aku i kena ia'u." "Alia e hoao ae au e au iloko o ka wai, a ina e loaa aku ana kela i'a ia'u aole no e nele ka loaa o ke keiki a kaua, no ka mea aia la ke paaia mai la no i ka waha o kela i'a9 o, kona hoomaka aku la no ia e alualu i ka Oopuhue. , O ka mea kupaianaha nae, iaia e hookokoke aku nei i kahi o. ka i'a, Jte, hoomaijiao loa aku la ka i.'a amp kana puolo mai iaia nei akii, a- aole i loaa iaia nei a hiki i ka pae ana o ka i'a ma kekahi aoao o ka wai. Ma kela wahi nae a ka Oopuhue o ka pae ana aku, he ula o Ka 'lepo ka ia nei e ike aku la, i ka hele a kuakea i ka lewa, aole iho la hoi ka i'a ame kana ukana. I ka hele ana hoi o ka lepo a mahie, ua ike aku la keia, aia ma ua wahi la i nalowale aku ai ka Oopuhue, e waiho mai ana he lua nui, a ua kapaia ka inoa o kela lua poepoe, o Ponahawai, a ke waiho la no kela wahi a hiki i keia la. He w r ahi makaikai nuiia keia e na malihini e kipa aku ana malaila, a i ke au kahiko, o kahi iho la keia a pa 'lii e hele ai i ka auāu, he wahi hoi e hiki ole ai i ka poe haahaa ke hele ilaila, oiai he wai kupua kela, no na 'lii wale no, aole no lea ppe haahaa. Ke hoaa wale la no o Kukualeimaka ma o a maanei aole oqa ike aku i kekahi mea, aka iaia nae i kiei aku ai ilalo o kela luawai, ua ike x ku la oia i ka waiho mai o ke-keiki ma kahi maloo, a o ia kana o ke kahea ana aku i kana wahine. "Auliea oe e-Kapohakau, eia ke keiki a kaua la ke waiho mai nei ilalo, pehea la e loaa ai ia kauaf" "E hele mua mai oe e holoi ia'u, aia hoi a pau ko'u pilikia, na'u ia e hele aku e kii ike keiki. Aole e hiki ia oe o kaua ke iho ilalo, o hana nui auanei kaua, aka e hele aku e kii a i ole mai no hoi ea, he nani ole ana ia, ua koi aku la no au i ko'u kuleana." ' • "He keu no hoi o ka'u ia e koi aku apa ia oe e ka wahine, o kauhale aku la no kahi e hanau ai, he paakiki mai nae kau, alaa ka hana nui la," a ae aku la ka wahine, no ka ike maka ana i ko laua hoka ana i ke keiki. "Heaha la hoi, e iho aku au ilalo e hui pu ai me Ooopuhue, a noi aku iaia e haawi mai no i ke keiki na kaua e hanai, a i hoole paakiki mai no hoi paha oia, e haawi aku no nana, e lilo mai auanei i mea hoopilikia ia kaua. He pomaikai no hoi paha ia no kaua o ka lilo aku o ke keiki na ha'i j e hanai mai, lilo i mea kokua i ko | kaua mau la pilikia." a apono aku la o Kukualeimaka i ka manao o ka wahine, me ka i ana aku: "O ko kaua make keiki ka hoi, eia ka e lilo ana ke keiki ia ha'i, aole hoi I kaua i hanai i ka kaua keiki makahiapo, e kaa e ana ka hoi na ka mea okoa e hanai," a ua lokahi aku la no ka manao o kana wahine me kona, a u i noke iho la i ka ohumuhumu no ka i minamina i ka laua keiki. | (Aole i pau.)