Ka Nupepa Kuokoa, Volume XLVI, Number 41, 8 October 1909 — E UKU O MAGOON E PONO AI. [ARTICLE]

E UKU O MAGOON E PONO AI.

E pono ia J. Alfred Magoon ko uku ae i ke Aupuni o Amerika i na dala >he $3,50. O keia ka Olelo Hooholo a ka Lunakanawai elua o ka Aha Amerika "Woodruff i hoopuka ae ai ma ke kakahiaka Poalima aku nfi mahope o ka hooloheia ana o ka hihia a ke aupuni Amerika e ku-e ana ia J. A. Magoon. 0 W. T. Bawlins ka loio ma ka aoao hoopii a o Mr. Magoon no kona loio. He htfopii keia e koi ana ia Mr. Magoon e uku ae i ke koena o ke dute ame ka ana ma ka hale dute no kekahi lole he $20 i hookoinoia mai e Mr. Magoon, a hoole oia i ka uku ana i ke o ua waiwai la mamuli o kona makemake ole i ua lole Ia i hoounaia mai ai.' Ma ka a Mr. Magoon aole ōia i kauoha i lole.ili o ia i Mekiko. Ua ,noi»aku oia i ke .kana&a nana i kuai i ka lole e kuai aku i lole "nona o ia ano ma Nu loka, a ma kahi nae o ka loaa mai o ka lole iaia mal Nui loka mai, ua hoounaia mai la mai Mekiko mai a mamuli o ia kumu i + lilo ai i waiwai duteia. Aole oia wale ma ka olēlo a Mr. Magoon, aohe i kupono ka lole i hōōunaia mai ai i kona makemake a ma ia ano ua hoole oia i ka lawe mai i ua lole ili la ame ka uku ana i ke dute. Ua kuaiia ua lole la e na luna dute 1 mea e kaa ai ke dute ame ka uku o ka malamaia ana, eia nae he $5.50 wale no i loaa mai ma ia kuai ana, oiai nae o ke dute ame ka uku o ka malama ana ua hiki aku ka huina i ka $9.00. Ua hoole o Mr. Magoon i ka uku ana aku i ke koena i koe o $3.50 a no ia 'Kumu i hoopiiia ae ai oia i mea e kaa aku ai. I keia manawa, e like iho la me ka Olelo Hooholo a ka Aha, e pono oia e uku ae i kela huina o $3.50, hui pu oie na koina o ka Aha, pehu loa.