Ka Nupepa Kuokoa, Volume XLVI, Number 41, 8 October 1909 — HE ELIMA MAU MOHO MA KA HEIHEI KUKINI [ARTICLE]

HE ELIMA MAU MOHO MA KA HEIHEI KUKINI

Ke lilo mai nei ke kukini pahu loa i mea makahehi nuiia iloko o keia mau la, a oiai.o ka la ekolu ae nei o Novemaba, ka la hanau o ka Emepera o lapana, nolaila ke manaoia aku nei o ka heihei kukini kekahi lealea nui e inalamaia ma ia la no ka hoohanohano ana i ka la hanau o ka Emepera. Ma kekahi. halawai i malamaia nia ka Poalua nei, ua hooholoia e komo like na moho o na lahui elima ma keia heihei kukini hou e uleleia aku ana, o ia hoi ma ka aoao o ka lahui Amerika, o N. Jackson, ka moho o ke Teritore ka mea ma ia aoao. Ma ka aoao hoi o na Kepani, o Tsukamoto ka moho e aa mai nei e ulele me na moho o na lahui e ae, o Akoni Kaoo ka moho ma ka aoao o ! na Hawaii, o C'ha>lie, ma ka aoao o na Pake, a o Cordeiro ma ka aoao o na Pukiki. 0 ka pahu loa i hooholoia, he umikumamalima mile, he pahu hoi i manaoia e hiki like ana i na moho apau ke holo me ka maalahi loa. Ua ala mai keia heihei kukini mamuli o ke koikoi loa o na Kepani e malamaia he lealea ma ka la hanau o ko lakou Emepera, a pela no hoi i manao ia ai e loaa na moho kaulana d hiki ai ke umeia mai ka noonoo o ka poe puni lealea apau e hele ae e makaikai i ka heihei o kela la. Aole i hooponoponoia ke ano o na makana i keia wa, aka aole no nae he kanalua ke olelo ae, e loaa ana he mau makana kupono e nele ole ai ka makepono o ke kOmo ana aku o na moho e hooikaika ma kela heihei.