Ka Nupepa Kuokoa, Volume XLVI, Number 42, 15 October 1909 — KA HA'IOLELO A KAUKA OTANI IMUA O NA KEPANI. [ARTICLE]

KA HA'IOLELO A KAUKA OTANI IMUA O NA KEPANI.

O ka ha'iolelo a Kaur(a Otani o ke aupuni o lapana i haawi ae ai imua o kona lahui ponoi a ka akoakoi ana ae maloko o ka halepule o ka Hoomana Buda ma ke alanui Papu ma ka Poakahi nei, kekahi o na ha'iolelo i kukuniia iloko o ka puuwai o na Kepani i akoakoa ae ma kela anaina ike, he ha'iolelo hoi e hookaakaaia ae ai ka maka o kekahv poe o lakou e noho pouliuli nei mamuii o ke a'o hewaia e kekahi poe no o lakou. O keia malalo iho nei kana ha'iolelo: "Ua nui maoli ko'u mahalo ia oukou no ko oukou hiki kino ana mai nei e hookipa aku ia'u, me ko oukou nana ole i ka loa o na alahele a oukou 0 ka hele ana mai nei. He mea nae na'u e kaumaha ai, ka hoike ana aku, aole e hiki ia'u ke noho iho e ike kumaka i na hana a oukou e lawelawe oei maloko nei o ka aina. "Ina' ua nui ko oukou noho mana ana maluna o kekahi hana, aole aku Ia no hoi e nele ka nui o na koikoi a oukou e auamo ai, a o ka'u wale no e hoepeu aku nei ia oukou, o ia no ka hoohana pono ana i ko oukou mau noonoo ma ka hoomau ana aku i na hana maikai. He mea pono e loaa i na Kepani ma ke ano lahui ka liolomua, a i mea e loaa ai ia holomua, he mea pono e hele malie ma n£t anuu. O ka hoea ana mai ia nei ma ke ano he mau limahana 1 loaa mai ai na pomaikai, iloko o na manawa pokole, he manaoia e pono e hoopauia ae mailoko ae o ko oukou mau noonoo. O ka loaa ana o na manao o keia ano he alakai ana aku no ia iloko o na liana ino ame karaima. "He mea e loaa ai ka manaolana no ko oukou ku ana ma ko oukou ano oiaio, a i mea e loaa ai ka holomua, ka ikeia mai, he pono ia oukou ke aloha ia Hawaii. I ko oukou aloha ana i ka aina, kona ano ame kona mau hiona nani, o ko oukou iini ana no ia e loaa mai ka holomua i ka oukou mau hana ponoi iho ame oukou iho no hoi. "He mea pono ia oukou,' na Kepani ma Hawaii nei ke lioomanao iho, o ke kumu e oili' mai ai o ka holomua mai ka hoopono mai no ia i ka hana ana i kekalii mea no ka holomua, e hana me ka hoopono ma na ano apau, me ka puni ole i na lioowalewaleia mai, a e hiki mai auanei i ka holomua oi ae i iiniia e loaa. "Ina e hookomo oukou i keia manao ma ka oukou mau hana e lawelawe ai i kela ame keia la, aole loa e ala mai ka hoowahawahaia o ka mea pili i ka lahui. He hookahi no kumu o lee ala ana mai o na manao hoowahawahaia no ko kakou mau hoakanaka, mamuli no ia o ka hoomau ana ma ano kahiko i maa ia kakou, aka apo mai ana i na mea e hanaia nei rna kekahi aina a oukou e nolio ai, e loaa auanei ia oukou ka noliona hoaloha ana me ka poe e noho pu ana me oukou. "O keia mau mea a'u e kamailio aku nei imua o oukou, o ke alahele hookahi iho la no ia e hapai aku ai ia oukou ma ke anuu like me na lahui holomua e ae o ke ao nei."

E hoike ana na lioike papahelu he umi-kuraamaiwa miliona ka oi ae o na loaa auhau dute iloko o' Amerika mamua o na mahina ekolu o ka makahiki i hala.