Ka Nupepa Kuokoa, Volume XLVI, Number 42, 15 October 1909 — KO WAIANAE MAU ANOAI. [ARTICLE]

KO WAIANAE MAU ANOAI.

Ma ka noho ana o ka Aha Mokupuni Euanelio o lea Mokupuni o Oahu nei ma Waianae ma ke Kau o Okatoba 8 ame 9, 1909, he maikai ka lawelaweia ana o na liana o na Aha ekolu, he holomua, na pau na hana i ka hora 5 p. m. o ka la 9, aka ua koe kekahi mau hana i hoomaopopoia a ke Sabati la 10, o ia no ka Papaaina a ka Haka ame ka Hoike Kula Sabati o na Kula Sabati o na Kona. Sabati, Okatoba 10, 1909, hora 9:30 a. m. ua malamaia na hana o ka Papaaina a ka Haku, e na Kahu Rev. M. K. Nakuina, W. K. Poai, S. K. Oili, O. H. Gulick, W. B, Oleson, P. Scndder ame J. K. Kekahuna, no ka pabetizo ana i na keiki ame ka hookomo ana i kekahi poe i hoahanau no ka Ekalesia o Waianae. Ma ka hora 10:55 a. m. ua malama ia ka Hoike o na Kula Sabati o na Kona, e hui pu ana hoi me ke Kula Sabiti o ka Pali hauliuli o ke Koolau, ua piha ke anaina, a ua hoomakaia na hana ma ka lawelawe aqa a ke Kakauolelo o ka Ahahui Kula Sabati o ka Mokupuni o Oahu. Mahope iho o ka himeni wehe ame ka pule a Rev. O. H. Gulick, ua kaa ae la ka hoike mua i ke Kula Sabati o Waianae, e hooinaka |na i na pokii he u'i a maikai na pokii a pela no hoi na makua, a ua hiki no ke oleloia na lakou lea eo o ka la. O ka lua o na Kula Sabati o ia no ka Papa o ka Hui Kauikeaouli, nui ka maikai o na mea i hanaia. O ke kolu, o ia ka Papa o Kaumakapili, na kekahi mau lede i mele mai a me ka laua mau haawina no ko lesu inoa, ho ui mai lioi kau, o ia paha ka mea i oleloia "o na mea elua a ekolu ma ko'u inoa, owau pu no kekahi." O ka lia, na keiki o ka Pali Hauliuli o ke Koolau, ke hele la a mamae na iwi aoao i ka ua mea o ka hauoli, he eha koni mai hoi kau. O ka elima, o ia no ka papa o Hui Oiwi ke hele la a nonanona, a i ka lu ana mai i ka lakou mea maikai, he owe hoi kau o ka papahele, hoomau ia aku. O ka eono, o ia no na opio wahine o Kaliau o Helemona, ke hele la a aliali ma "ka umiumi o Aarona, imua aku e na opio. O ka ehiku, o ia no ka Papa o na Kaeaea o Kawaiahao, he piano mai hoi kau nani no. O ka ewalu oia no ka Papa Kula 6abati Hamau e ka leo mai walaau oe o makani auanei. He pololei io no he meha a he laiku ke anaina, a i kela ame keia manawa e kani mai ai ka lakou mau mole, ua like ke anaina me he mea la e hapaiia ae ana iluna, i kau a mea o ka nani, he nunulu ka na kaiy he oeoe hoi ka na wahine, aohe 1'& iike ai. O na loaa lulu mamuli o keia mn mea i hanaia he $66.00 a ua hoolaa ia aku ia huina no ka luakini hou o Waianae e kukulu ia aku ana. O na loaa Ahamele ma ka po Poaono i malamaia ai he $100.00, ke hui ia ua loaa he $166.00 a he mau dala no hoi ka ke C. E. no Kristo ame kona Ekalesia. He maik*T na hana ame na mea apau, a ua malama ia na poe apan me ka maikai a haalele wale aku Ia no i ka makani wehe launiu o Poka-i. MEA KAAHELE.