Ka Nupepa Kuokoa, Volume XLVI, Number 43, 22 October 1909 — KA LA KULAIA KANU LAAU. [ARTICLE]

KA LA KULAIA KANU LAAU.

Ua hoopukaia ae e ke Kiaaina he kuahaua akea e hookaawale ana i ka la 12 o Novemaba e hiki mai ana, oia ka Poalima i la kulaia no pa kula, o ia ka la kanu laau e like me ia i hanaia eha makahiki i hala aku nei. Ua hookumu muaia keia hana ma Hawaii nei i ka makahiki 1905,' a i kela ame keia makahiki ua hookaokoa ia kek-ahi la i la hauoli no na kamalii kula e kanu laau ai. Ma ia la, o na kamalii hele kula ma na Kula Aupuni apau e hookaokoa ana llakou he mau hana i kupono no lee kanu ana i na laau, a mawaho ae o ia mau hana he mau ha'iolelo kekahi e paipaiia mai ana e na kumupoo a mau loea ike kanu laau e ae i mea e hoomahuahuaia aku ai ka ike kanu laau iloko o na keiki.