Ka Nupepa Kuokoa, Volume XLVI, Number 44, 29 October 1909 — HE KUPONO ANEI KA HOIKEIA O NA KUMUKULA? [ARTICLE]

HE KUPONO ANEI KA HOIKEIA O NA KUMUKULA?

O ka ninan malnna ae, na ala mai ia ma ka halawai a na kumukiila o Honolulu nei i noho ai ma kekahi manawa o ka pule aku nei i liala, a oiai -o ka Papa Hoonaauao £e kuleana e imi aku i na kumn makaukau no ke ao ana maloko o -na kul» aupuni mamuli o ko lakou hoikeia ana e like me ia e hana mauia nei i kela ame keia

makahiki, aka ma ko makou manaoio nae, he alahele naauao ole ia, a he alahele hoi e nele ai ka loaa ana o na kumukula makaukau maoli ma ke a'o ana i na kula, He nui na kumukula i hoomaopopoia ko lakou naauao maoli, a i loaa aku na pa-keneka kiekie ma ko lakou manawa o ka hoikeia ana no ko lakou makaukau, aka ma na kula nae a lakou i noho a'o aku ai, he keu ka ike ole o na haumana, oiai nae, e ohi ana i na uku nunui i kela ame keia makahiki. , Ke manao nei makou, aole ma ka hoikeia ana e maopope ai ke kupono o na kumukula, aka ma ke ano o ka lakou a'o ana i ka lakou mau kula, me ka haawi ana i ka mana i ka Papa Hoōnaauao e hoouna aku i na komieina e nana i ke a'o ana a na kumukula.