Ka Nupepa Kuokoa, Volume XLVI, Number 44, 29 October 1909 — O J. A. WAIKAPU UA HALA. [ARTICLE]

O J. A. WAIKAPU UA HALA.

Aole o kakou home e mau ana maanei; e like me ke ao4 nee ae ma na kuahiwi a nalo aku, pela no ka mea i iho aku iloko o ka lua kupapau. Ua naha ke kino, ka hale o ka Uhane ua hanini ka wai mai ka punawai aku; mimino ka pua, a mae wale hoi ka lau. Ma ka wanaao Poakolu, Sepatemaba 29, 1909, ua kipa ae la ka Anela o ka make ma ka home noho o H. J. Ahu, ma Kiilae-kai, Apana o Kona Hema, Ealana o Hawaii, Teritore o Hawaii, a kaili palanehe aku la i ka hanu hope loa o J. A. Waikapu, a waiho iho la i ke kino e hoi i ka lepo e like me ko ke Akua mau kanawai paa. Auwe! luuluu wale hoi e. Nolaila, O makou o na luna, na hoahanau, na haumana Kula Sabati, na lala ame na hoa o na Ahahui C. E. o ka Ekalesia o Pukaana, ma Hookena, Apana o Kona Hema, Kalana o Hawaii, Teritore o Hawaii, ma o ko makou Komite la, 1. Ke komo pu aku nei makou apau me oe e Mrs. Haaheo Waikapu, ka wahine i hoonele ia i ke kane, na keiki i hoonele ia i ka papa ame na moopuna i hoonele ia i ke kuku, e auamo pu i na ehaeha, i na kaumaha ame na.luu-" luu o ko oukou noho kanikau ana no ka mea aloha i hala. 2.. Ke kalokalo ae nei ka makou mau leo pule i na Mana Lani e hoomama mai i na haawe o ke kaumaha i ili iho maluna o kakou auau, a no ka mea Nana no i haawi mai a Nana no i lawe aku, e hoomaikai nui ia ka Inoa 0 lehova. 3. Hooholoia e hoouna ia i hookahi kope o keia Hoalohaloha i ka wahine kanemake, i hookahi kope i ka Nupepa Kuokoa, i hookahi kope i Ka Hoaloha, 1 hookahi kope i Ka Hoku o Hawaii, a i hookahi kope i ke Kilohapa o ka Malamalama. 0 makou iho no me ka luuluu, j JOHN S. KAUWE, ; PILIPO HAAE, I T. N. HAAE, J S. W. KAAI, ' ROBERT MAKAHALUPA. 1