Ka Nupepa Kuokoa, Volume XLVI, Number 44, 29 October 1909 — HOOKU'IIA E KE KAA OTOMOBILE Kiolaia o Brlght Mai ke Kaauwila Aku Mamuli o ka Hooku'iia ana. [ARTICLE]

HOOKU'IIA E KE KAA OTOMOBILE

Kiolaia o Brlght Mai ke Kaauwila Aku Mamuli o ka Hooku'iia ana.

Ua kiolaia o Andrew laukea Bright he kanaka Hawaii mai ka papa ae uja ka aoao o ke kaa uwila, kahi ana e ku ana, a lele ana 1 kahi e, e ke kaa otomobile Packard o Tom Quinn ma ke Alanui Hokele kokoke i ke alamii Puowaina aneane i ka hora ehiku o ke ahialii Poaha i hala. Ua loaa ka mea poino i na manuheu kukonukonu ioa a hoihoiia i ka . Halema'i Moiwahine no ka lapaauia ana o mau palapu. He elua mau moku kukonukonu loa maluna o ke poo a hookahi ma ka lima me ka ehfi pu ma ka iwiaoao. E hoi mai ana ke kaa uwila mai Waikiki mai a i ka hiki ana ma kahi kokoke i ke Alanui Puowaina ua hoomakaukau iho la ka wiliki e hoopaa i ke kaa. E ku ana o Andrew laukea Bright ma ka aoao o ke kaa i kela manawa iluna o ka papa ma ka aoao akau kokoke i kahi o ka wiliki a ia nianawa e holo mai ana o Quinh a hoohuli ae la i kona kaa otomobile mā ka aoao makai o ke alanui, oiāi naē", aole ia o kona aoao pololei e holo ae ai ke holo hikina. Ua hooku'i koke mai la ke kaa otomohile me ke kaa uwila a loaa mai la o Brighr e ku ana ma ka aoao a kiolaia aku la i kahi e a pahu aku la i iluna o ke alanui. Mamuli o ka ikaika loa o ko Bright kiolaia ana ame ka paa loa o kana puliki ana i ka hao ma ka aoao o ke kaa i lele pu ai ia hao kahi e paa ai ka lima mai ke kaa aku, a no ke kaa otomobile hoi, ua up?pe kekahi wahi o ka aoao akau. Ua ku koke ke kaa uwila i kela manawa, a lele ino aku la kekahi poe ohua iluna o ka honua a hoomaka aku la e alualu i ke kaa otomobile. Ua īke iho no hoi ke kalaiwa Tom Quinu o ka otoniobile i ka pilikia o Bright aohe hoi he ku iho; mea hoi kau a ku iho e nana i ka poino aole, nee ka holo nui. a no ka loa o ka holo a ke kaa otomobile ua hoopau wale na ohua i ko lakou manao mahope o ke kalaiwa hookano. I O ka poe i ikemaka i kela hooku'i ana, oia no o John Bily, W. R. Crowder. ame J. C. Egort o ka Papu Ruger. I Ma ka olelo a kekahi kanaka i na' mnkai oia ka mea e npho ana ma ka« •noho mamua loa, ua ike pono aku oia i ka holo pololei ana mai o ke kaa oto mamua pono mai o ke kaa uwila a

hoohuli ino ae la' ma ka aoao makai a hooku'i ai me ke kaa uwila, ka aoao pololei ole nona e holo ae ai. Ma ka olelo hoi a ka makai, ua hoikeia aku ka iaia malalo o Quinn o ke kumulaau kahi i ku ai a no kona ike i ka haiki loa o kana wahi e ku ana ke'kumu o kona hoohuli ana ae e holo e nae.