Ka Nupepa Kuokoa, Volume XLVI, Number 44, 29 October 1909 — HE NANE. [ARTICLE]

HE NANE.

Mr. Lunahooponopono, Aloha oe: E oluolu oe e hookomo iho i keia wahi nane ma kahi kaawale o ka kaua hiwahiwa, i 'ike mai ai ka poe huli nane e noho mai la mai ka hikina a ka la a i ke komohana; i keia wahi nane hooni puuwai a oia keia: He mau kama ka'u i hanaia mai e ke Akua mai kinohi mai no laua na kino ikaika, a wikani hoi, faa kekahi olelo ana, a pemei ke ano o ko_ laua hanaia ana mai: Ua hana mua mai ke Akua i ke kama mua he kane, a hana hou iho la oia i ka lua o ke kama he wahine, a i ka noho ana o keia mau kama ma keia ao, ua noho ekemu ole laiia, a no ia nBho ekemu ole ana o laua, ua kaupale mai la ke Akua mawaena o laua i kekahi aniani alohilohi i kumu e ike ole ai kekahi i kekahi, nolaila ke hoomanao nei au i keia mau wahi lalani hooheno, penei: Kiina e ka ono, I ka uhu e maalo i kuu maka Ina ilaila ka iini, Ke koii koi aloko e hana nei, A ku iho la ka ninau penei: Heaha ka inoa o ke kama mua oia hoi ke keikikane? Heaha ka inoa o ka lua o ke kama oia hoi ke kaikamahine? A heaha hoi ka inoa o ke aniani alohilohi a ke Akua i kaupale ai mawaena o laua? He ma'u wahi inamona ia komikomi no i ka welelau lima ; he mikomiko hoi kau! 0 ka mea hiki mua mai o kana haina pololei loaa no iaia ekolu mahina lawe wale i ka nupepa Kuokoa. D. '&. K. AEKAI O Kf HEMA. Kewalo Lumber Yard.