Ka Nupepa Kuokoa, Volume XLVI, Number 44, 29 October 1909 — HE HOALOHALOHA. [ARTICLE]

HE HOALOHALOHA.

E ka Nupepa Kuokoa, Aloha oe: E oluolu kou hanohano e hookomo iho ma kekahi wahi kaawale o kpu keena, i ike mai ka oliana ame na kini makamaka e noho ana ma ka puka ana o ka la i Kumukahi a hiki i ka welona o ka la i Lehua, no ko makou kaikuaana i aloha nuiia, ua naha ka hale o ke kanaka, a niau palanehe aku la ka uhane i ka mea nana i hana. Aole o kakou home e mau loa ana maanei, oiai he wahi manawa ko kakou ma keia ao i hoonoho ia mai ai, a hiki i ka mea nana i olelo i ke kahaka mua loa, he lepo no oe a e hoi hou aku no oia i ka lepo a ua hookoia kona makemake. Ma ka hora 2 p. m. o ka po Sabati nei i haalele mai ai o J. Kamahele Kukahiko ma kona ho|ne nolio ma Paupaka, Honuaula, Maui, iaia e moe ana me kana mea aloha, he wahine me hookahi kaikamahine imua o ko i laua alo ua ka ia lakou e ka hiamoe | ia ala ana ae o kana mea aloha he wahine ia hoala ana aku i kana kane ua hele kahiko aku la oia, ua pau ka lohe, na pau ka leo, hookahi hana a kana wahine he unu iaia me ke kaumaha, oiai o Kamahele he kanaka ohana nui oia e noho nei ma Makena, Honuaula, Maui. N He ,nui a lehulehu, he poe moopuna, he mau keiki, he hōokahi ana keiki 'ma kela kula kiekie ma Lahainaluna. a ua ike no ia keiki i kona kino make, a nolaila, ua hanau mai ko makou mama he 10 ko makou nui he 5 keikik'ane he 5 kaikamahine, haia aku la 2 koe makou he 8 i koe, he ohana makou iloko o ka pumehana o ke ano o kaf noho ana, aole makou i noho kau liilii e like me ka noho ana o kahi poe, nolaila, ke noho nei makou me ke kanikau nona i keia mau ]a me kana mea aloha, he wahine i hooneleia i ka makua, pela hoi me na keiki i hooneleia i ka papa, pela hoi me na kaikuahine i hooneleia i ke kaikunane, pela me na kaikaina, i hoonele ia i ke kaikuaana, Auwe aloha oia aka ke mele nei makou iaia. Mawaena o koonei mau mea luuluu, Na mea hoeha a naulu pu lini no au no kuu home ma o Kuu home maluna a mau me lesu. Mau, Mau me lesu. He hoahanau oia no ka Ekalesia o Keawalaimau, he hoa no ka Ahahui C. E. no ia JBkalesia no, oia kekahi pou hana ikaika loa o keia Ekalesia, ke nonoi aku nei makou i ka Mlakua Lani e hoomama mai ia makou i noho iloko 0 na luuluu. Ke haawi aku nei ka ohana o ka mea aloha i haalel» mai i na hoomaikai nui i na makamaka ame na hoaloha apau i hiki mai a komo pu me makou i ke kumakena pu ana, a komo pu atia mai me kana huakai hope loa 1 ka opu ana ole o ka honua. E hoi ka lepo i ka lepo a o ka Uhane i ka mea nana kakou i hana, Nana no i haawi a nana no e lawe aku e hoomaikai ia kona Inoa'. O makou iho no me ka luuluu, NA KA OHANA.