Ka Nupepa Kuokoa, Volume XLVI, Number 44, 29 October 1909 — Nuhou Kuwaho [ARTICLE]

Nuhou Kuwaho

NEW YORK, Oct. 21.—Ma keia la i waiho ia mai ai ka inoa o Eobert S. Lovett, he loio no E. H. Harrimari, ka Moi o na i make i peresidena no ka Hui Alahao Pakipika. I laweia keia me ka manao o Lovett aku ana ka hope ma ka hakahaka o Harriman. LOS ANGELES, Oct. 2?.-He wahine ka i waeia i k-eia la a aeia e lilo i lala no ka papa kiure e hookolokolo ana i ka hihia koi poho. O keia ka manawa mua loa iloko o keia mokuaina i noho ai kekahi wahine i lala no ke kiure no ka ana i kekahi hihia. LAKE MOHONK, New York, Oct. 23.—0 A. F. GriflSthB, ka peresidena o ke Kula Nui o Oahu ame A. F. Judd o Honolulu na mea na laua i wehe ka hai olelo maloko o ka Aha Kukakuka o ka Lake Mohonk. Ua hooliloia ka manawa hana o nehinei o ka Aha no na hana e pono ai o Hawaii. Lehulehu na kamaaina e ae o Honolulu mawaho ae 0 na mea ha'iolelo i akoakoa ae malaila a po ia la. CALCUTTA, India, Oct. 23.—He olai ikaika ka i hoonaueue ae ia nei i nehinei ka elele nana i lawe mai i ka make ame ka lukuia ana o na kanaka ame na kauhale ma ka apana o Quetta, Beluchistan; lehulehu na kauhale i ulupaia a palaha a ua hooweliweli loaia na kaA hiki mai i keia manawa o ka nui o na make he hookahi haneri ame kanakolu-kumamaono, oiai hoi o ka nui o ka poe i hoehaia he hookahi haneri ame kanalima i hoihoiia iloko o na halema'i i kukuluia ae me ka emoole no ka malama ana ia lakou no ka manawa. MILWAUKEE, Oct. 25,—Ua pa-hu kekahi ipumahu o ka halehana bia Pabst o keia kulanakauliale i keia la. Hookahi kanaka i make, a o ka nui o na poho i hanaia maluna o na hale ame na mikini ua kohoia aia ma kahi o ka $200,000. CITY OF MEXICO, Oct. 26.—Ua pulumiia ka apana o Santa Eosa e ke kai hoee a he nui na ola i make. O ka nui o na poho i hanaia i na waiwai, o ka emi loa i kohoia aia ma kahi o ka $5,000,000. WASHINGTON, Oct. 27.—Ua pahola aku nei ke Aupuni o Amerika Huipuia > kona hoalohaloha ia lapana no ka make ana o ke Keikialii Ito. Ua hoounaia aku na kauoha i ka Elele Aupuni O 'Brien i keia la e pahola aku 1 ka Olelo Hoalolialoha a kekahi Aupuni Mana nui o keia au hou i ka lahui ma kela aoao ma o o ka moana i hookaumahaia.