Ka Nupepa Kuokoa, Volume XLVI, Number 44, 29 October 1909 — HOOLEIIA O BRYAN I KA LEI E NA KAIKAMAHINE HAWAII. [ARTICLE]

HOOLEIIA O BRYAN I KA LEI E NA KAIKAMAHINE HAWAII.

I ka manawa a "Willlam Bryan, ka moho Peresidena Demokarata i haule i liole makaikai ae ai ma ka kale o na mea hoāeeike o Haw'aii nei ma ke kahua hoikeike ma Seattle, ma ka la 9 o Okatoba nei, ua hiooleiia mai la oia e kekahi o na kaikamahine Hawaii, Irene Boyd, a ma kti aoao hoi Mr. Bryan ua ae aku oia e hooleiia mai iluna o kona a-i no kona hoomanao ana ae, he mea maa ia i ka hanaia ma Hawaii nei. I ka manawa a Mr. Bryan o ke komo ana aku iloko o ka hale hoikeike o n* mea Hawaii, ua ku koke mai o Miss Irene Boyd me ka paa ana i ka lei ma kona lima, eia nae ua hookakanalua oia no ka hoolei ana aku maluna o Bryan, e iike me kona hoomanao ana ae no ka ae> ole ana o Peresidena Taft e hooleiia aku oia i ka lei e Miss Kaai. Mamuli nae o ke kulou ana iho o ke poo o Mr. Bryan ilalo, me he mea la e haawi okoa aku ana i kona a-i no ka hooleiia mai i ka lei, nolaila ua hoopauia ae ka hopohopo iloko o Miss Boyd, a kau aku la i ka lei Pansy maluna o kona a-i. Oiai o Mr. Bryan maloko o kela hale, ua mau no ke kau ana o ka lei maluna 0 kona a-i, a iaia ame kona mau hoahele e makaikai ana, ua meleia aku o 'Aloha oe', a i ka pau ana o kela Uimeni i noi hou mai ai oia e meleia aku 1 himeni Hawaii hou, a hookoia aku hoi kona makemake e na kaikamahine Hawaii. Ua haawi. makana aku o Loyd Childs ia Mr. Bryan i kekahi noho koa, aka nae ua hoike mai nO o Bryan i kona makemake e kuai mai, aoie hoi ma ke ana makana. -