Ka Nupepa Kuokoa, Volume XLVI, Number 44, 29 October 1909 — HE AHAMELE AME HULAHULA NA KA AHAHUI POOLA O NA WAHINE. [ARTICLE]

HE AHAMELE AME HULAHULA NA KA AHAHUI POOLA O NA WAHINE.

Ma ka hapalua o ka hora ehiku 6 ka po o ka la apopo, Oct. 30, e wehe ana ka Ahahui Wahine a na Poola he ahamele ame hulahula maloko o Kahiliaulani Ilale, e ku nei ma ke alanui Kukui, a o na pomaikai apau e loaa mai ana no ia hana e holo ana no ia no ka ahahui. He nui na puukani e komo ae ana ma na hana ahamele o ia po, a e hookaniia mai ana hoi na mele hulahiila e ka Lanakila Club, kekahi o na kalapu liimeni maikai loa maloko nei o keia kulanakauhale. 1 Mawaho ae hoi o na hana aham|le ame ka hulahula, e hoikeikeia aku ana he tabalo no Kahauolopua, (w) ka u'i o Puna Paiaala i ka Hala- ame kana ipo me Kepakailiuli o Waipio, i ka Wailele o Hiilawe. Eia na tikiki ma ka lima o na komite, a ma ka puka komo no hoi e loaa ai ma kela po. He hapalua wale no ka uku komo, e hiki ana ke ike i na mele hooni puuwai, ka hulahula ame ke tabalo.