Ka Nupepa Kuokoa, Volume XLVI, Number 45, 5 November 1909 — KOI POHOIA NA LUNA AUPUNI Hoopiiia ka Loio Amerika ame Kekahi Poe e Ae. [ARTICLE]

KOI POHOIA NA LUNA AUPUNI

Hoopiiia ka Loio Amerika ame Kekahi Poe e Ae.

Ma ka Poakahi nei i hoopuka ae ai o Lunakanawai De Bolt i ka palapala hoopii koi poho a Lee Let maluna o kekahi mau luna aupuni Amerika no ka huina o iwakalua kaukani dala. Maloko o kekahi hoopii, e koi an.i oia i kona poho no uipi kaukani dala maluna o ka Loio Amerika Breckons, ka Luna Kukeawa Stackable, A. W. Adams ame Roger Taylor, no ko lakou huli kuleana ole ana i kona halekuai ma ke alanui Nuuanu, ame kona wahi noho ma ke alanui Waina, no na waiwai hookomo ma-luia mai iloko nei o ka aina. Ma kekahi hihia kaokoa no ka Loio Amerika ame ka Luna Kukeawa, he hookahi no kaukani dala ke koi poho maluna o laua no ka huli ana no i kona halekuai ame kahi noho. Maloko o ka palapala koi poho, e hoike ana ia i ke komohewa ana o na luna aupuni maluna ae maloko o kona wahi ma ka la 8 o ka mahina aku nei o Okatoba, no ka huli ana me ke> kuleana ole, me ka hookikina ana aku hoi i ka mea hoopii e ae mai ia lakou e komo aku e huli ma na walii like ole. E hoike pu ana no hoi maloko o ua palapala hoopii la, i ka wawahiia ana 0 na ume ame na pahu lole me ka lima ikaika a i ku-e i ke kanawai, a ua lilo ia hana a lakou'i mea hoehaeha aku i ka manao o kana wahine ame kana mau keiki. He oiaio, ua loaa aku ka lohe i ka Loio Amerika Breckons mai kekahi kiu Pake aku, no ka loaa ana iaia he kin'» opiuma i kau oleia ke kuni o ke aupuni mawaho o ke kini, a o ke kumuia o ka liuliia ana aku o ka halekuai, aole nae he mea i loaa ma. ia liuliin ana. Ma ke kau a ka Aha Kaapuni e noho mai ana i ka mahina ae nei o lanuari o keia makahiki ae e hoolohoia ai keia hoopii koi poho i na luna aupuni Amerika.