Ka Nupepa Kuokoa, Volume XLVI, Number 45, 5 November 1909 — MAOPOPO OLE KA ONA WAIWAI Hoohaule Honua Kekahi Kepani Piliwaiwai i Kana Eke Dala Iloko o ka Halewai. [ARTICLE]

MAOPOPO OLE KA ONA WAIWAI

Hoohaule Honua Kekahi Kepani Piliwaiwai i Kana Eke Dala Iloko o ka Halewai.

Mamuli o ka ulu ana mai o ka maka'u iloko o kekahi o na Kepani o ka hopuia ana e ka Hope Makai Nui Rose no ka piliwaiwai ma ka po Sabati nei, ua kiola okoa oia i kana eke dal& me na ulu iloko, oiai oia ame kona mau hoa e iho o ka hopu puia ana mai e kuku ana ma ka halewai. He poe Kepani kela o ka loaa ana aku i na makai e noke ana i ka piliwaiwai ma ke alanui ololi Aehi, a oiai nae me ka pepa hahau lakou e noke ana i ka paani ,aole i ala mai na hoohuoi ana, me lea ulu no kekahi a lakou e piliwaiwai ai. Oiai kela poe Kepani e ku laina ana maloko o ka halewai, ua lohe aku la he makai i ke pa-hu ana iho o kekahi mea iluna o ka papahele, a i ka nanaia ana aku ka hana ma kahi o ka haule ana iho, ua ikeia aku la he eke dala ;e waiho mai ana. Ua ninau pakahiia aku lakou nawai la o lakou kela eke dala, aka ua hoole like mai lakou, aole lakou i ike i ka ona nona ia waiwai. I ka weheia ana ae nae o ua eke dala la, ua loaa aku la he hapaumi ame elua mau ulu, a akahi no a maopopo i na makai, o ke kumu ka ia o ke kiolaia ana o kela eke e kekahi a

lakou, mamuli o ita maka'u i ka wa e huliia aku ai ko lakou kino a loaa aku kela mau ulu, o ke ala hou mai no ia o kekahi hihia pill i ka mea nana na ulu. Aole wale o kela poe Kepani ka i paa ae i ka hopuia no ka piliwaiwai ma kela la, aka mahope iho o ka hora umi-kumamalua o ke awakea, ua paa mai kekahi poe kamalii e noke nui ana i ka lulu ma ke alanui Waina, a helu no ka la o na makai ; ma o ka loaa ana o kekahi poe ku-e a hakihaki kanawai, a pakele aku no nae kekahi poe o lakou. Iwaho o ke alanui akea kela poe kamalii kahi i paani ai, me ko Uikou manao, o kahi maalahi loa ia e hiki ai ia lakou ke ike mai i ka wa o na makai e hoea aku ai, eia nae>, iloko o ka manawa a .lakou o ka moeuhane oie ana, ua hoea aku la na makai, poi-pu' iho la maluna o lakou a mama ana, na wawae o kekahi poe o lakou i ka holo.