Ka Nupepa Kuokoa, Volume XLVI, Number 45, 5 November 1909 — KE ANO E WAEIA NEI NA KIURE. [ARTICLE]

KE ANO E WAEIA NEI NA KIURE.

i i Mamuli o ka ike ana i ka paa mau o kekahi poe ma ke ano kiure, iloko o ka Aba Kaapuni ma Honolulu nei, ame ke kaa mau ana o ia hana i ka hapanui o ka poe i loaa ole na hana paamau, i hoalaia mai ai na hoohuoi ana, no ke ano e waeia mai nei o na kiure maioko o ka Apana Kaapuni ekahi. Ma ka hoomaopopo ana ma na hihia i hookolokoloia a i loaa na ahewaia o kekahi mau manawa ae nei i hala, e ike mauia ana ka x>oe no i lilo i mau kiure ma kekahi mau hihia, o lakou aku aua no ke noho ma kekahi mau hihia mai, a iwaena hoi o ia poe kiure, he poe kekahi o hikou aole a lakou mau hana paa, koe wale no ke kaukai ana aku e lilo i mau kiure, alaila manao aku la ka helu o na la noho wale. 51a na manawa e hookolokoloia ana na hihia o na Kepani hoohaunaele o ka mahiko o Waipahu iloko aiku nei o kela mau mahina i hala, ua hookuu waleia ka poe i hoopiiia ma o ka loaa ole ana o ka olelo hooholo a na kiure, a he mau hihia lehulehu no i hanaia pela, me ka ulu ole mai nae o na hoohuoi ana, i ke kumu o ko lakou lokahi ole ana e loaa ka olelo hooholo ma na hihia mo&kaka loa. Malia paha aole loa i loaa lie manao epa ai kolohe iloko o ke komisina wae kiure ma ko lakou wae ana i na inoa o ka poe a lakou i manao ai ua kupono no ka noho kiure ana, aka ua liiki ole nae ke alo ae, mai ke koho ana aku i ke kumu noho mau o kekahi poe i kiure no na manawa lehulehu. Ma ka hihia nae o Mori, kela Kepani nana i hoao e hou aku » kekalii o kona hoa kanaka me ka paihi no ka manao e pepehi iaia a make, i kulike ai me na hooia maoli ana mai a ka mea i hoopiiia, ua ku mai la no kekahi o na kiure ma. ka aoao e hookuu ana iaia, eia ka auanei, no ka makemake wale mai no e hooloihiia aku ka manawa a na kiure ej noho ai ma kela hihia, a e loaa mai ai lie maa meaai maikai mailoko mai o na haleaina. O keia anei ka manao iloko o ka hapanui o na kiure i waeia no ka lioolohe ana ma kekahi mau hihia ano nui, o ia ka hoopaakiki ana ma kela ame keia aoao, i loaa hou ai he mau la loihi e noho ai ma kela hihia, a e loaa walei mai ai na meaai mailkai me ka uku ole? Ina pela io ka manao iloko o kekahi poe, no ke alualu ana i na dala nunui o ka la, me ka nana ole i kona hanohano iho, ma ke ano makaainana a kulana kiure hoi, alaila ua hoea mai i ka manawa e hookaakaaia ae ai na maka o ke komisina, no ka hooko ana aku i ka lakou hana me ka pono. Ke manao nai no hoi makou, e loaa ana i na kiure ka hoomaopoj)o ana ma keia mua aku, aole lakou i kau aku ma kela kulana, ma ke ano e lilo mai lakou i poe pulapu i ke aupuni a i ka lehulehu, aka e lilo lakou i poe kaupaona mai i ka pono mai ka hewa ae, a ma ia hana ana auanei e kauia.aku ai na hoomaikai ana maluna o lakou, aole wale maloko o ko lakou aina iho, aka ma na wahi apau e loheia aku ai ka laikou mau hana. - * -