Ka Nupepa Kuokoa, Volume XLVI, Number 45, 5 November 1909 — NA NA AHA HOOKOLOKOLO E NOONOO KA NINAU POHIHIHI. [ARTICLE]

NA NA AHA HOOKOLOKOLO E NOONOO KA NINAU POHIHIHI.

TJa kupono anei e auhauia na limahana o ke Aupuni Amerika ma na auhau "waiwai levraf O ka pane a na luna auhau o ke Keena Ohi Auhau ua kupono e auhauia lakou. Ma ka hoakaka manao hoi a E. A. Douthitt, aohe ka i kupono. A no ka pohihihi o keia ninau i na luna auhau e hull pono aku ana lakou a loaa ka haina oiaio, a pela pu no me E. A. Douthitt- Me he mea la no keia ninau pohihihi, e waiho loa ia. aku ana imua o ka Aha Kiekie a nana e pane mai i ka haina no keia nina.u, koe wale no, ina e hiki ana i kekahi mau aha malalo iho ke pane i ka haina a kupono i ka makemake o E. A. Douthitt, ka Loio e huli nei i ka pono ma ka aoao o na limahana Amerika aka ina loaa ole, e lawe loaia aku ana ia ninau imua o ka Aha Kiekie o ke Teritore, a i kupono ole no ka pane i ka manao o ka loio e lawe loaia aku ana i ka Aha Kiekie o Amerika Huipuia. Ua ikeia no kekahi inanawa loihi i hala aohe auhauia o na limaliana Amerika ma na auhau loaa makahiki, oiai o ke kanawai e pili ana ia mea ua kahiko a ua onipaa loa e hiki ole ai ke ku-eia, O na kauwa e hana nei malalo o ke Aupuni Amerika kekahi a hoakaka mai nei ua hookuuia lakou mai ka uku ana i na auhau waiwai lewa, e like me na auhau kino. A no wale aku nei no i hoomaopopo ai ka Oihana Ohi Auhau he pono i na limahana o ke Aupuni Amrika ke hana mai i kekahi hana i hiki ai ke ukuia mai na auhau kino o kona mau limahana e like me ka uku ana o ka poe e ae i ko lakou mau auhau, a i kumu e maopopo ai ka hookuuia o na limahana Amerika mai ka uku ana aei i ko lakou mau auhau kino, ua hookomo ae ke Keena Auhau i ka hoopii no Fred Noyes no ka hookaa ole i kona auhau no elua makahiki, oiai he limahana oia no ke Aupuni Amerika e noho hana nei ma ka oihana Ohi Dute, ma ka Hale Dute. O E. A. Douthitt ka Loio o Fred Noyes no keia hoopii. Ma ka olelo a Doutliitt mai ka manawa mai i hoopuka ai ka Aha Kiekie o Amerika Huipuia i ka Hooholo ka hihia o, Dominis i ka 1842, aole i kupono e auhauja na limahana o ke Aupuni Amerika no, ko lakou mau auhau kino a pela me na auhau loaa makahiki, a i ole, ia no kekahi mau auha\i e ae paha e lilo ai ia i mea hoeini mai i ka ukuhana e uku ia aku ana ia lakou no ka lakou liaiia. Ma kela manao hoakaka a ka Aha ua hookahuaia ka manao maluna o ke kanawai o ka mano wale no i kauohaia ma na ano apau nana e hoemi mai i ka loaa makahiki o kekalii limahana o ke aupuni Amerika o ia no ka Mana Kiekie loa nana i hookohu a i hoolimalima iaia. A i keia manawa nae ke komo ae nei ke Aupuni Teritore ma o kona mau Luna Auhau la a hoao e hooleahuli i ka Olelo Hooholo paakiki a ka Aha, a ua lilo ia i hana hoopahaoliao loa i ka noonoo o ka Loio Douthitt. No na auhau waiwai naei, ua hiki ole i na limahana Amerika ke alo ae i ka uku ana, nolaila, ua loaa ia Douthitt, ka Loio mea i hoopiiia ka ike maopopo loa .e puka ana no kona haku, a ina e palekana io ana oia, e lilo ana ia i hana lioaiai aku i na luna auhau ua kuhihewa loa ko lakou lawe ana mai i ka hihia.. Ina e hoopa'iia ana o Noyes, imua o ka Aha Hoomalū e hoohalahala hou ia aku ana ka Olelo Hooholo i na Aha maluna , a ina no e hoopa'i houia mai ana oia e ia mau aha, e pii loa aku ana i ka Aha Kiekiei ma Amerika Huipuia.