Ka Nupepa Kuokoa, Volume XLVI, Number 45, 5 November 1909 — KAPAEIA MAI KA MAKAIKIU AKU Huai ka Hana Ku i ka Hilahila Ole a Kekahi o na Makaikiu i Hookohuia e Leal. [ARTICLE]

KAPAEIA MAI KA MAKAIKIU AKU

Huai ka Hana Ku i ka Hilahila Ole a Kekahi o na Makaikiu i Hookohuia e Leal.

Mamnli o ka huai ana ae o ka hohono o kekahi mau hana ku-e kanawai a keikahi o na kanaka i hoolimalimaia oloko o ke Keena Makaikiu o ke Kaiana o Honolulu nei, ua kapaeia aku e Makai Xui Jarrett o William Weleh mai kona noho makaikiu ana, a hiki i ka hooiaio ponoia ana o kona hewa. He makai hou loa keia o ka hookohu ia ana aku e Makaikiu Leal iloko q kekahi mau pule ae nei i hala, ma kahi o kekahi makai i pau, a ua laulaha ae nae ka nui o kana mau hana kolohe e kupono ole ai oia e noho aku xna ke kulana hooko aku i ke kanawai. Ua loaa aku ia Miakai Nui Jarrett ka hoike mai kekahi wahine aku i kokuaia hoi e kekahi hoaloha ona, no ka limanui ana o kela makai iaia me ka hooweliweli pu ana me ka waha o ka pu panapana i wahi e hookoia ai kona manao lapuwale maluna o kela \rahine. O kana mea o ka hoike ana ae, i kekahi po ka i hala ae nei, iaia i haalele aku ai i ka hale hulahula ma ke Kuea Waverley, ua ukali aku la o Weleh iaia, a i ka hoea ana ma ke alanui Kukui, ua koi ikaika aku la e komo iloko o kekahi keena uuku, a me ke kau pu ana aku i ka pu panapana imua ona. Ua kakooia aku ka mea a kela wa-

hine o ka hoike ana ae imua o Makai Nui Jarrett e kekahi hoaloha ona, a ma ia ano i lawe ae ai o Jarrett i ka mana iloko o kona lima a kapae aku la i ka makai kolohe, me ka- huli ana aku hoi i ka oiaio o na mea a kela makai o ka hana ana. Ma ka wa nae i uiia aku ai ia'Weleh. ina paha ua pololei ke kumu hoohalahala a ka wahine i hoike ae no kona koloheia ana, ua hoole ae oia i ka oiaio 0 ia mau olelo, a na ka huli ana aku a ka Makai Nui e hoike mai i ka aoao 1 pololei.