Ka Nupepa Kuokoa, Volume XLVI, Number 46, 12 November 1909 — HE NANE. [ARTICLE]

HE NANE.

! Eka Nupepa Kuokoa e, Aloha oe: E I oluolu mai hoi oe i ke kau w&hi kaawale o kou kolamu i kela maū huaolelo e kau ae> la maluna, i ike mai ai ka poe puni nane i ke Kiana Pauda wawahi pohaku o luna 9 ka pali kapu o Keoua. Eono (6) no hua palapala o kuu inoa. A o ko- lakou waiwaiio ke hoohuihuiia, hookahi Teriliona, ole haneri me ole biliona, hookahi kaneri me umi miliona, hookalii tausani elima haneri. Me ka lana o kuu manao, aole no e loaa ana ke Kiana Pauda wawahi pohaku o luna o ka pali kapu o Keoua. E aloha auanei. Z. P. K. LIONANOHOKUAHIWĪ. Napoopoo, Kona Hema, Novemaba 1, 1909. Mr. Lunahooponopono, Aloha oe: E oluolu hoi kou ahonui e hoolauna aku ia 'u ma na oneki o ka kakou Kilohana i ka'u wahi puolo, i ike mai ai liol na magoi ame na makaula imi mea pohihihi e nolio mai la mai ka moku lei haaheo i na Lehūa o Hopoe, a hiki loa aku i ke kaikamahine kui lei pupu i ka wai huna a ka paoo, oiai he malihini ko'u ike ana ia oe, ua k|jnaaina no nae i ke aloha. He kama ka'u i maheleheleia i na pauku eha, (4) a no lakou hoi na pauku ame na ano like ole i hoohenoia penei: 1. Ike oe ia'u ma na ao popolohiwa ame na ao kaalelewa i ka poiuiu lani. Leha ae ou mau a hoohihi i kuu nani i ka halii paa a ka noe i ka piko 0 na manna. Hoohihi oe ke ike m&i 1 kuu u'i ī ke one o Kakuhihewa. Hooha'i oe ia'u i kuu holoholo me ka wahine Aele la o Kaiona i Kekaha pua Ohai ame ka Waili'ula o Mana. Aia au ma na wahi apan, maluna malalo, ma o a maanei, puni ka honua ia'u. Owau ka mua, o ia nei ka hope. He ikaika, nui a weliweliia au ke hiki mai ko'u ku-akoko, a nona paha keia hooheno la: Nani iluna ka ua o Hanalei, I lei aloha ka hala me ka lehua Ia huli Wailua i ka la o Honoki, I hono Waikapu wai a ka helu, Hulilua mai ka la o Kamaomao i Hele mai ekolu aka o ke kai

Ekolu ka naulu kau i Mana. 2*. Aia au i ka papa ekahi o na aupuni mana nui o ke ao nei, o ko'u home aloha mawaena o ka lani ahie ka honua, maluna hoi au o na ale hualala o ka moana nui kai akea, i ka poai olu akau au, a ma na kihi eha au o ka honua. Owau ka pale nans. i hookaawale i ka malamalama ame ka pi.uii konoele, hehihehi ku ia īho au e na mamo a ka Isaraela oiai o Moae e alakai ana ia lakou no ku aiua e kahe anā o ka waiu ame ka meli, a nona hoi keia hooheno aoa: Nani ke ahi a i Mauna Loa, E pau la ka nani o Puna i ka wahine Oia mau no ka papa o Malama Ua aukahi likeia e kulili ka ua, K ku r.na ka lihi ke au a ka puu lena, Ana ana i ka loa īuna o Keaau. 3. O kou ike wale mai no ia'u, na lawa ia nou e hakukoi mau ai a e moe ole ai o ka po, loaa au ia oe i na mea ulu, ike oe ia'u i na holoholona, kamaaina oe ia'u i na manu o ka lewa, aia au ia oe, eia oia ia'u, haha, hoopapa, hoohenoheno, iniiniki, loulou, komikomi a kuwiliwili iho oe ia'u nona paha keia mau lalani mele. la: Kuwiliwili iho au, A he mapu maoli no, Kuhi au la o ka li'a Kuu hoa hoonipo o ka po. 4. O ka ai hoopau keia. Ike oe ka puka staa a ke kapoo ana a ka la, milimili ko mau lima ia'u mai ke kakahiaka a po, holo aku ko'u kaulana ma na welelau o ka honua nei. He kauwa maikai au ke maikai kau hoolakalaka ana, a he oi aku ko'u hiena a ahiu ke hookuu waleia au ma ke kula. Loaa au ia oe iluna lilo Joa, loaa no hoi au ia oe i ka aina nui palahalalia, nona hoi keia mau lalani mele: Ua nani no iluna ke ahi a ka wahine Malu ole iho i ka papaia e kapuulena Ui a a ka hale me ka lehua, Pukukui ka noe o Wahinekapu, Aohe wahi hemahema iki i ka moani, Kau mea poha i na lehua o Kaunu, He unu ka manao he elele na ke aloha, Ke i ae la i hoa ka ua Kanilehua, I hoa pana i ke kai o Huia e E hui ka manao me ke aloha, 'lna iho no ka pono he inoa wahine. Ke hooliuihui oe i kuu mau pauku a pau, e loaa auauei ua kama nei a'u ia oe e walea aua i ka nani aine ka olu o ka Paredaiso, a i ole e loaa ia oe ilaila, e loaa no ia oe e honi hoomau ana i ke ala o na pua waianuhea o ke leihapai pua o Elenale, ka mahinaai piha i ke aloha. KEANINIULAOKALANĪ. !• '